संविदा पर नौकरि करण वला खेल प्रशिक्षकु क तनखा बढ़यें ग्यायी, आदेश ह्वै जारी
देरादूण। उत्तराखण्ड खेल विभाग म संविदा पर नौकरि करण वला प्रशिक्षक तनखा बढ़ौंणे मांग बौत पैलि बटि करणा छायी। आज सरकार न ऊंकी मांग पूरि कै दे अर ऊंकु मानदेय बढ़ै दे।
ऐ बारा मा विशेश प्रमुख सचिव अभिनव कुमार न आदेश जारी याली। संविदा खेल प्रशिक्षकौं की मांग क बाद, खेल मंत्री रेखा आर्य न कुछ दिन पैलि मंत्री मण्डलै बैठक मा या मांग धैरि छायीं। जैका बाद आज यु आदेश जारी ह्वैग्यें।
खेल मंत्री रेखा आर्य न बोलि कि खेलु मा प्रशिक्षकौं कु बौत बडु काम हून्द। इन्न मा अगर हम प्रशिक्षकु उत्साह तैं नी बढ़ौंल त, ऊ कनैकैकि खल्वारु तैं खेला प्रति उत्साहित कारला। उन्न बोलि प्रशिक्षकौं कु मानदेय बौत कम छायीं, इल्लै वु अपड़ि सेवा हौरि नी देंण चाणा छायीं। उन्न बोलि इल्लै हमन यु फैसला ल्यायी अर प्रशिक्षकौं कु मानयेद बढ़यें ग्यायी, जैसे विभागु मा प्रशिक्षकौं क क्वीं कमी नी हूंया।
खेल प्रशिक्षकौं कु मानदेय बढ़ौंणा कु आदेश जारी हुंणा फर मंत्री न सब्यौं तैं शुभकामना द्यायी।