बागेश्वर विधायक पार्वती दास न ल्यायी सौं
देरादूण। मुख्यमंत्री धामी न आज छंचर खूंणि विधानसभा म बागेश्वर विधायक पार्वती दास कु शपथ ग्रहण कार्यक्रम म भाग ल्यायी।
विधानसभा अध्यक्ष ऋतु खंडूडी भूषण न पार्वती दास तैं विधायक पदा सौं दिलै।
मुख्यमंत्री धामी न विधानसभा क नै बणि सदस्य पार्वती दास तैं शुभकामना द्यायी अर बागेश्वरा जनतै अभार बोलि। उन्न बोलि बल बागेश्वरा इतिहास म पैलि बार बागेश्वर क जनता न ब्यटुल तैं विधायक बण्यें। उन्न बोलि बागेश्वर कु विकास खूंणि स्वं चंदनराम दास क कर्यां कामु तैं अगनै बढ़यें जालु।
ऐ मौका पर कैबिनेट मंत्री प्रेमचंद अग्रवाल, सौरभ बहुगुणा, भाजपा क प्रदेश अध्यक्ष महेंद्र भट्ट बि छायीं।