सतपाल महाराज न पोखड़ा ब्लॉक तैं द्यायी 13 करोड़ से जादा रूप्यौं क विकास योजनौं क सौगत

चौबट्टाखाल। पर्यटन मंत्री अर चौबट्टाखाल विधायक सतपाल महाराजन अपडा विधानसभा तोक क् ब्लाक पोखड़ा थैं पीडब्ल्यूडी, सिंचै अर पंचैत क 13 करोड़ से जादा रूप्यौं क विकास योजनौं क सौगत द्यायी।

कैबिनेट मंत्री महाराजन बोलि कि केन्द्र म प्रधानमंत्री मोदी अर प्रदेस म धामी के नेतृत्व मा आज विकास गंगा खळाखळ बगणि च। यान साफ च की औंण वलु सदी उत्तराखण्ड की होलु। सतपाल महाराज न जनता इण्टर कॉलेज, तिलखोली, मा उर्यूं कार्यक्रम लोक निर्माण, सिचैं, लघु सिंचाई अर पंचैत विभागा 1304.37 लाख से बणण वलि योजनाऔं कु शिलान्यास अर लोकापर्ण कायी।

सतपाल महाराजन पोखड़ा ब्लॉक क चलकुड़िया मसमोल-सकनोली-नौखोली मोटर र्माग 186.08 लाख रुप्यौं से बणण वलु 3 से 5 किलोमीटर अर 178.36 लाख रूप्यौं से बणण वलि 6 से 8 किलोमीटर डामरीकरण , 109.57 लाख रुप्यौं से गिंवली-भेंटी मोटर क डामरीकरण, 77.91 रुप्यौं से पोखर से खुर्कपाल तक मोटर मार्ग, 22.41 लाख रुप्यौं से बणण वलु पंचवटी से गडोल मोटर मार्ग तैं टमणा खूंणि अर 14 लाख रुप्यौं से ब्लॉक पोखड़ा बस स्टेशन बटि ब्लॉक मुख्यायाल पोखड़ा तक इन्टरलॉकिंग टैल्स लगौंण कु काम कु शिलान्यास कायी।

महाराजन पोखड़ा ब्लॉक म 62.45 लाख रुप्यौं से बणण वलु देवराजखाल जयखाल मोटर मार्ग क बीच घरतोली बैंड तक हूंया डामरीकरण अर हौरि विकास योजनौं कु बि लोकापर्ण कायी।

ऐ मौका फर भाजपा के युवा नेता सुयश रावत, पोखड़ा ब्लाक प्रमुख प्रीति देवी, भाजपा मंडल अध्यक्ष प्रभु शरण बुड़ाकोटी महिपाल सिंह, योगेन्द्र सिंह, सुभाष जोशी, राजपाल रावत, सुनील कुमार , दीपा देवी, अनीता देवी, ऐकता देवी, भगत सिंह रावत बि छायीं।