प्रधानमंत्री न सिलक्यारा टनल म फस्यां भुरत्यौं क जाणकारी ल्यायी अर
देरादूण। प्रधानमंत्री मोदी न आज दुबरा मुख्यमंत्री धामी से टैळीफोन पर बात कायी। ऐ मौका फर उन्न सिलक्यारा उत्तरकाशी सुरूंग म फस्यां भुरत्यौं क रेस्क्यू ऑपरेशन क जाणकारी ल्यायी अर मुख्यमंत्री तैं जरूरी निर्देश भि दी।
प्रधानमंत्री न बोलि कि जन्नि भुरत्या टनल बटि भैर आला ऊंक स्वास्थ्य जाचं अर जरूरत प्वाड़न फर ऊतैं अस्तपाल पौंछाणा कु बन्दुबस्त कर्ये ज्यां। प्रधानमंत्री सुरूंग मा फस्यां भुरत्यौं क दसा अर ऊंका खाणु- पीणु क बारा मा जाणकारी। यांका दगड़ि उन्न राहत अर बचाव क कामु मा लगयां कर्मचारियों क सुरक्षा क भि जाणकारी ल्यायी।
प्रधानमंत्री न निर्देश दी कि बचाव क कामु मा क्वीं कमी नीं रैंण चैंद। प्रधानमंत्री न मुख्यमंत्री से बोलि कि क्वीं भि मदता जरूरत च यांका बारा मा बतावा।
प्रधानमंत्री न बोलि कि जब सबि भुरत्या भैर ऐ जाला त ऊंकी शरैल जांच अर अगर जरूरत प्वाड़ळि त ऊंतैं अस्पताळ अर घौर भ्यजणा कु बन्दुबस्त कर्यें ज्यां।