गंगा भोगपुर, पुलकित आर्य क आंवला फैक्ट्री मा लगि आग
देरादूण। गंगा भोगपुर वनंत्रा रिजॉर्ट मा बण्यूं पुलकित आर्य के आंवला कैंडी फैक्ट्री मा आज सुबेर 9 बजि आग लगिग्यें। आग इतगा तेज छायीं कि चर्यां तरफौं धुंवाळि हि धुंवाळि ह्वैग्ये।
मौका फर पौंचि फार बिग्रेड क गाड़ी न आगि थैं बड़ी मुसकिलल बुज्झें। पुलिस कु ब्वन च कि आग बिजली क शॉट सर्किटन लगि। जैका बाद सवाल हूंण छन कि बल अंकिता कु कतल क बाद पुलकित आर्य क फैक्ट्री अर वनंत्रा क रिजॉट म बिजली कु कनेक्शन काट्टि दे छायी। इन्न मा सवाल यु हूंच कि शॉर्ट सर्किट आग कन्नु कैकि लगि सकदि?
त वखि ऐ मामला मा थाना प्रभारी निरीक्षक लक्ष्मणझूला विनोद गुसाईं कु ब्वन च अबि देखिक त इन्न लगणु च कि रिजॉट मा इनवर्टर क लैन मा शॉर्ट सर्किट क कारण आग लगि ह्वैळी।
दुसर तरफ एसडीएम यमकेश्वर प्रमोद कुमार न बतै कि एक मामला मा जांच हूंणि च।