अंकिता क कतल क तिन्या आरोपी पर गैंगस्टर एक्ट

पौड़ी। एसएसपी श्वेता चौबे न अंकिता भण्डारी कतल क मामला मा क्षेत्राधिकारी अर प्रभारी निरीक्षक लक्ष्मणझूला थैं तिन्या आरोपियों फर गैंगस्टर एक्ट कु मामला ल्यखणा खूंणि बोलि।

अंकिता भंडारी कतल क तिन्या आरोपियों फर अब गैंगस्टर एक्ट क धारा बढ़ै द्यायी।

बतै दियां कि कुछ दिन पैळि डीजीपी अशोक कुमार न बोलि छायीं कि अंकिता कतल क तिन्या आरोपियों फर धारा बढ़यें जाली। जैका बाद पौड़ी एसएसपी श्वेता चौबे न पुलकित आर्य अर वैका द्विया दगड़यों सौरभ अर अंकित फर गैंगस्टर एक्ट क कारवै कैरि याली। जैका बाद अब तिन्यों क मुसीबत अब औरि बढ़ि जाली।