भावना पाण्डे, हाथी बिटि भ्वां मा उतरिगे, कमला फूल मा जाणा ह्वे तय्यरि

देरादूण। अबि कुछ दिन पैलि बसपा क हाथी सवारि करण वलि भावना पाण्डे, हाथी बिटि भ्वां मा उतरिगे।

हाथी क सवारि करण वलि भावना पाण्डे तैं बसपा न हरिद्वार लोकसभा बिटि टिकट दे छायीं। या से रुस्यां तीन बारा विधायर रयां हरिदास बसपा कु हाथी तैं छोड़िकि भाजपा क खुचलि मा बैठिग्ये छायी।

इन्न मा 22 मार्च खूणि हाथी क सवरि करण वलि भावना पाण्डे बि हाथी बिटि भ्वां मा उतरि ग्ये।

बतै जाणु च ब्याली भावना पाण्डेन अर त्रिवेन्द्र रावत कु मुखाभेंट ह्वे। जैका बाद उन्न बसपा स सदस्यता से इस्तीफा दे द्यायी। अर अब ब्वले जाणु च, भावना पाण्डे बि भाजपा कु फूल तैं थामलि।