हरीश रावतन कांग्रेस लोकसभा उमेदवारु खूब कायी तरिफ

हरीश रावत कु कद कांग्रेस मा कतगा बडु अर खास च या हरीश रावत न अपणा नौनु तैं हरद्वार लोकसभा बिटि टिकट दिलै कि साबित कै याली।

हरीश रावतन टिकटा घोषणा से पैलि हि हरद्वार मा रोड़ शो कैकि अपणि खुसी बतै। यांका बाद हरीश रावतन सोशल मीडिया मा अपडु नौनु हि ना बल पच्या लोकसभा उमेेदवारु क सोशल मीडिया जरिया खूब तरिफ कायी।

हरीश रावतन सोशल मीडिया मा लेखिकि मिन कुछ दिन पैेलि बोलि छायीं कि चुनौ मा लड़ै कु मैदान त्यार ह्वेग्ये अर आज साफ ह्वेग्ये। कांग्रेसा पांचों पांडव चुनौ क मैदान मा खड़ा छन। बात या च कि उत्तराखण्डा यीं लड़ै मा नारी सम्मान, दलित शिल्पकारु कु सम्मान समणि च। पुरणा महाभारता कु तरिका अर उत्तराखण्ड कु ये महाभारत मा अंकिता भंडारी हमरि नौनी पर जु जुलम अर साजिस ह्वे वैथैं कनकैकि भुलै सकदौ। बस भगवान मितैं कृष्णा क तरौं अपणु काम करणा खूणि राजी-खुसी रखयां अर तागत दियां, जै से मि पंच्या सीटू मा अपणि जिम्मेबरि तैं पूरु कै सक्यूं।

हरीश रावतन सोशल मीडिया मा लेखिकि प्रकाश जोशी नैनीताल संसदीय तोक बिटि कांग्रेसा उमेदवार छन, जब वु पैलु चुनौ लड़णा छायीं तब मिन बोलि छायीं कि नैनीताल व कालाढूंगी क दगड़ियों तुमरु बोट भोळ कु नारायण दत्त तिवारी तैं खड़ु करणु च। उन्न अगनै लेखि प्रकाश मा गणेश गोदियाल, प्रदीप टम्टा क तरौं अगनै बढ़णा पूरि क्षमता च। विरेन्द्र अबि ज्वान नेता छन। राजनीति मा सज्जना अर मानवता दय्खण त जोतसिंह तैं दिख्यें जै सकदु।

हरीश रावत लेखि कि नौनु अर कार्यकर्ता विरेद्र सिंह रावत 1998 बिटि कांग्रेस कार्यकर्ता उत्तराखण्ड मा काम कायी अर 2009 बिटि लगातार हरद्वार मा काम कायी। गौं-गौं लोगुक दुःख सुुख मा खड़ा रै। 1996 मा दिल्ली क सबसे बड़ाा महाविद्यालय दयाल सिंह डिग्री कॉलेज क अध्यक्ष रै, दिल्ली एनएसयूआई क महासचिव रै। उत्तराखाण्ड मा युुवक कांग्रेस, कांग्रेस सेवादल अर अब उत्तराखण्ड प्रदेस कांग्रेस कमेटी का उपाध्यक्ष छन। पार्टी हाईकमान खूूब जाणाकारी जमा कायी अर जब या बात साबित ह्वेग्येे की नौना पर कार्यकर्ता भारी च, तब विरेन्द्र सिंहह रावत तैं हरद्वार लोकसभा प्रत्याशी बण्यें ग्यायी। विरेन्द्र ब्यटा भी छन, अर शिष्य भी छन। मगर मि एक बात बतौंणु छौ अर ब्वनुु छौे कि सेवा, समर्पण, समन्वयय, समरचता अर विकासा सोचा मामला मा विरेन्द्र्र मि से 19 ना बल 21 हि साबित होलु।