उत्तराखण्ड कु एक हौरि लाल ह्वै शहीद
जम्मू कश्मीर राजौरी म सेना पर हूयां आतंकी हमला मा नारायणबगड़ विकास खण्ड कु बमियाला गौं कु एक सिपै नायक वीरेन्द्र सिंह शहीद ह्वैग्यें। शहीद जवान कु शरैल भोळ रुद्रप्रयाग पौंछलु।
बमियाला गौं कु प्रधान कमल कान्त टम्टा न बतै कि राजौरी म सेना पर हूयां आतंकी हमला मा वीरेन्द्र सिंह शहीद हूंणा की या खबर सेना न द्यायी। उन बोलि कि शहीद जवान कु पार्थिव शरैल भोळ अपड़ा पैतृक गौं बमियाला पौंछलु।
शहीद वीरेन्द्र सिंह अपणा पिछनै अपणि धरवलि अर द्वी बेटी तैं छोड़िग्येन। शहीद क घौर मा ऊंका ब्वै-बुबा, द्वी भै अर एक बैणि च। सब्या भै-बैंणौ मा वीरेन्द्र सिंह सबसे छ्वटा छायीं।