सिंगटाली मोटर पुळ कु सर्वे ह्वै सुरु

श्रीनगर। सिंगटाली मोटर पुळ कु भूगर्भीय सर्वे सुरू ह्वैग्यायी। मोटर पुळ कु सर्वे करण वलि एजेंसी तीन मैना क भितर सर्वे, डिजैन अर डीपीआर तय्यार कराली। डीपीआर तय्यार कैकि शासन तैं वित्तीय स्वीकृत खूंणि भज्यें जाली। 2006 म उबरि का केन्द्रीय सड़क अर परिवहन मंत्री भुवन चन्द खण्डूड़ी न कौड़ियाला ब्यासघाट मोटर मार्ग दगड़ मा सिंगटाली पुळ बणौंणा क मंजूरि दे छायीं। पर गंगा म बणण वलु ऐ पुळ कु काम सुरु नीं ह्वै साकु।

ये मोटर पुळ बणण से पौड़ी गढ़वाल जिला क सात ब्लौक क एक हजार गौं तैं फैदा मिललु। देरादूण बटि सिंगटाली, सतपुली ह्वैकि रामनगर जाणा मा 45 किमी दूर कम ह्वै जाली। मोटर पुळ कु सर्वे सुरू हूंण पर सिंगटाली मोटर पुळ निर्माण समिति क अध्यक्ष न खुसी जतै अर बोलि कि मोटर पुळ कु सर्वे सुरु हूंण से जनता खुस च अर उमेद च की अब पुळ जल्दी बणलु।

त वखि ऐ मामला मा किशोरकुमार ईई लोनिवि श्रीनगर गढ़वाल न बोलि कि
सिंगटाली मोटर पुळ कु भूगर्भीय सर्वे कु काम सुरु ह्वैग्यें। एजेंसी डिजैन , डीपीआर अर एप्रोच रोड कु सर्वे कराली। एजेंसी तीन मैना क भितर विभाग तैं सर्वे क रिपोर्ट देलि। जैका बाद डीपीआर तैं वित्तीय मंजूरी खूंणि शासन तैं भज्यें जालु।