मुख्यमंत्री न करिन 10150 करोड़ रुप्यौं कु एमओयू पर दसकत

देरादूण। मुख्यमंत्री धामी न आज चेन्नई मा उर्यूं रोड शो मा भाग ल्यायी अर निवेशकु दगड़ बैठक कायी। उन्न निवेशकु तैं दिसम्बर मैना मा देरादूण मा उर्यूं ग्लोबल इन्वेस्टर्स समिट मा औंणा न्यूतो दे।

मुख्यमंत्री न उद्योग समूहों क दगड़ 10150 करोड़ रुप्यौं कु इनवेस्टमेंट एमओयू पर दसकत करनि। जैमा हेल्थकेयर, फार्मा, एनर्जी सेक्टर मा जुड्यां उद्योग शामिल छन।

मुख्यमंत्री न बोलि कि तमिलनाडु अर उत्तराखण्ड क बीच मा आध्यात्मिक रिस्ता च। तमिलनाडु म रामेश्वर अर उत्तराखण्ड कु श्री केदारनाथ अर आदि कैलाश सर्या दुन्या म प्रसिद्ध छन। उन्न बोलि भगवान शिव कु तमिलनाडु म रामेश्वर अर उत्तराखण्ड म श्री केदारनाथ ज्योतिर्लिंग विद्यमान च।

एमओयू म स्टार्टअप एंड इक्यूवेटर खूंणि जुलाई वेंचर्स क दगड़ 1000 करोड़ रुपयों कु एमओयू, हेल्थ केयर सेक्टर म निवेश खूंणि क्षणा ग्रुप क दगड़ 1000 करोड़ रुपया, उच्च शिक्षा म निवेश खूंणि एसआरएम यूनिवर्सिटी क दगड़ि 600 करोड़ रुपयौं कु एमओयू पर दसकत ह्वीं।

यांका अलावा हेलीपोर्ट अर ऊर्जा तोक म रिफेक्स ग्रुपा दगड़ि 500 करोड़ रुपया, एरोमा पार्क खूंणि ईन्फ्ला मोवी ग्रुप क दगड़ि 250 करोड़ रुपयौं कु , टूरिज्म सेक्टर म निवेश खंणि मिलटेक्स ग्रुपा दगड़ि 100 करोड़ रुपयौं कु एमओयू पर दसकत ह्वीं।

सर्वाेदय ग्रुप आफ हॉस्पिटल 01 हजार करोड़ रुपया, अपोलो हॉस्पिटल 500 करोड़ रुपया, क्राफ्ट स्मिथ इंडिया 01 हजार करोड़ रुपया, इंफिनिटी ग्लोबल 4 हजार करोड़ रुपया अर टीपीसीआई क दगड़ि 200 करोड़ रुपयौं कु एमओयू पर दसकत ह्वीं।

मुख्यमंत्री न बोलि कि उत्तराखण्ड म पर्यटन बौत अच्छी-अच्छी जगा छन अर यख फूड प्रोसेसिंग, ऑटो कम्पोनेट मैन्युफैक्चरिंग , शिक्षा अर स्वास्थ्य जन्नि तोक मा निवेशा बौत सम्भौवना च। पीस टू प्रोसपेरिटी क मूल मंत्र क दगड़ उत्तराखण्ड निवेश खूंणि अच्छु प्रदेस च।

मुख्यमंत्री न बोलि कि सरकार उत्कृष्ट मानव श्रम, अच्छी सुविधा, शान्तिपूर्ण वातावरण, पारदर्शी प्रोत्साहन नीतियां बण्यें ग्यीन। पर्यटन, आयुष, वेलनेस, खाद्य प्रसंस्करण, ऑटोमोबाइल्स, फार्मा, वैकल्पिक ऊर्जा अर आईटी जन्ना क्षेत्र तैं फोकस सेक्टरा रुप मा शामिल कर्यें ग्यायी।

ऐ मौका फर कैबिनेट मंत्री सतपाल महाराज, सौरभ बहुगुणा, सचिव आर. मीनाक्षी सुंदरम, सचिन कुर्वे, डॉ. आर राजेश कुमार, महानिदेशक उद्योग रोहित मीणा छायीं।