विधानसभा मा भर्ती पर सवाल, वित्त मंत्री न बोलि इन्न भर्ती पैळि भि ह्वै
उत्तराखण्ड मा ह्वै भर्तियों मा अज्काल रोज नै-नै घपरोल समणि आणा छन। भर्ति मा लगि आगिक झौल (आंच) विधानसभा तक भि पौंचि ग्यें। जैका बाद विधानसभा मा ह्वीं भर्तियों थैं लेकैकि प्रदेस मा सियायी घपरोळ मच्यूं च।
ऐ बारा मा जब आज पत्रकारू न पैल्यक विधानसभा अध्यक्ष प्रेमचंद अग्रवाल से सवाल कायी त प्रेमचन्द्र न बोलि हां मिन भर्ती अर तीन प्रमोशन देकैकि डिप्टी सेक्रेटरी थैं विधान सभा कु सचिव बण्यें। उन्न बोलि बल विधानसभा मा इन्न भर्ती त पैळि भि ह्वै।
प्रेमचन्द से जब एक जूनियर अफसर थैं सीध सचिव बण्यें जाणा के बारा मा पूछ्यें ग्यें ता उन्न बोलि हाँ मिन्न तीन प्रमोशन दे कैकि सचिव बण्यें। मिन्न प्रमोशन क नियमु मा ढिलैं दें, जैमा कुई गलति अर गड़बड़ि नि च।