नैैं साळ बटि बदळि जाळा चेक से भुगतान कू तरीका

बैंक फ्रांड पर लगाम लगाड़ा खुणि आरबीआई न एक जनवरी 2021 बटि चेक पाॅजिटिव पे सिस्टम ळागु करणा कु फैसळा कैैैैरियाळी ।

आरबीआई क गर्वनर शक्तिकांत न अगस्त मा ये बारे मा घोषणा कै छायी। पाॅजिटिव पे सिस्टम मा चेक देंण वळा थैं अपड़ा बैंक मा भि जाणकारी देंण प्वाड़ळि। ऐ सिस्टम मा 50 हजार रूप्यों से ज्यादा क भुगतान वाळा चेक मा रि-कंफर्म करणा प्वाड़ळु।

चेक देंण वळा मनखि थैं इलैक्ट्रानिक माध्यम से चेक क तारीख, प्राप्तकर्ता अर रूप्यों क जाणकारी देंण प्वाड़ळि। पाॅजिटिव पे सिस्टम मा चेक कि जाणकारी एसएमएस, मोबाइळ एप, इंटरनेट बैंकिग अर एटीएम से द्ये जै सकद।

चेक मा लिख्या रूप्यों की जाणकारी क दुबारा जांच ह्वैळी अर गडबड़ी क शक हुंण पर जै बैंक मा रूप्या जमा हूंण छन अर जै बैंक बटि चेक जारी ह्वै द्विया बैंकु थैं जाणकारी दियें जाळी। यू नियम 50 हजार रूपयों अर वैसे ज्यादा सभी भुगतान पर होळु।

पे सिस्टम से चेक क माध्यम से हूंण वळी धोखाधड़ी थैं रोकें जै सकद। वखि बड़ी रकम कू चेक मा अगर जै बैंक न चैक जारी कायी यू बैंक कंफर्म नि करदु त खाता मा रूप्या जमा हूंण से रौकेंं जै सकदि।