बाबा सिद्धबली कू वार्षिक अनुष्ठान आज बटि

हर साळों क तरौं ऐंंसु क साळ बाबा सिद्धवली कु वार्षिक अनुष्ठान आज (शुक्रवार 4 दिसम्बर) बटि द्वी दिन को हौळु। इबरि दा कोरोना क कारण महोत्सव मा केवल धार्मिक अनुष्ठान अर बाबा सिद्धवली क नगर परिक्रमा हि ह्वैळी। मंदिर मा घंटी, अर भगवान मूर्ति थैं छुंण माना च, अबकि दा मंदिर मा प्रसाद भि नि बंटे जाळु।

ब्याळी एसडीएम योगेश मेहरा न मेळा क त्यारियों की बैठक कायी। उन्न् ब्वाळ कि अबारि दा मंदिर का प्रवेश द्वार पर थर्मळ स्क्रीनिंग करै जाळी। वैका दगड़ दगड़ा मा मदिर मा घंटियों अर मुर्ति थैं छुंणा की कैथैं भि अनुमति नि ह्वैळी। मंदिर परिसर मा आणा अर जाणा का अलग-अलग द्वारा ह्वाळा।

मंदिर मा आणा वळा मनखियों थैैं एक दुसर दगड़ा मा दूरी अर गुच्च्चा मा मास्क लगाणु जरूरि च।

एसडीएम न अपील कायी कि बुढ्या, गर्भवती कज्याणी अर दस साळ से कम उमर वळा बच्चा अपड़ा घार मा ही रैंया। एसडीएम न वन विभाग थैं मंदिर क आस-पास हाथियों से सतर्क रैंणा का निर्देश भि दी।