जौलीग्रांट एयरपोर्ट कु नौं स्व. बिपिन रावत क नौं फर हूंण चैंदः यूकेडी
देरादूण। उत्तराखण्ड क्रांति दळन जौळीग्रांट चौका मा प्रदर्शन कायी अर जौलीग्रांट एयरपोर्ट कु नौं थैं स्व. सीडीएस बिपिन रावत क नौं फर रखणा क बात बोलि।
यूकेडी डोईवाला प्रभारी शिवप्रसाद सेमवालन बोलि कि अटल बिहारी बाजपेई क नौं पर उत्तराखण्ड मा कै संस्थान पैळि बटि छन। सेमवालन बोलि कि उत्तराखण्ड सिपैहियौं (सैनिक) कु प्रदेश च इल्लै उत्तराखण्डा सबसे बडु एयरपोर्ट जौलीग्रांट कु नौं स्व.सीडीएस बिपिन रावता नौ पर धर्यें ज्यां। उन्न बोलि कि भाजपा सिरफ बोट क राजनीति करद।
न बोलि कि उत्तराखण्ड क्रांति दळ क एक ही मांग च कि भारत सरकार जौली ग्रांट एयरपोर्ट क नौं स्व. सीडीएस बिविन रावत क नौं पर धर्यां।
केन्द्रीय महामंत्री मोहन असवालन बोलि कि भाजपा सदनि झूट अर जनता दगड़ मा ध्वका करद। उन्न बोलि कि सरकार थैं प्रदेसा रैवासियों क भावना थैं सम्मान करण चैंद अर जौलीग्रांट एयरपोर्ट कु नौं स्व. सीडीएस बिपिन रावत क नौं पर करण चैंद।
यूकेडी क उर्यूं कार्यक्रम मा सुनील ध्यानी, शिव प्रसाद सेमवाल, मोहन असवाल, विपिन रावत, संजय डोभाल, राजेंद्र पन्त, राजेंद्र गुसाईं, गोविंद सिंह अधिकारी ,राजेंद्र सिंह बिष्ट, अनिल डोभाल, पंकज पोखरियाल, प्रवीन चंद्र रमोला, सुलोचना ईस्टवालअर औरि बौत सर्या यूकेडी कार्यकर्ता छायीं।