सरकरि अधिकारी सरकार अर जनता बीच पुळा काम करदन : धामी
देरादूण। मुख्यमंत्री धामी न आज उत्तराखण्ड प्रान्तीय सिविल सेवा संघ क वार्षिक अधिवेशन म भाग ल्यायी। ऐ मौका पर मुख्यमंत्री न संघ क एक पत्रिका ‘आरोही कु विमोचन बि कायी।
मुख्यमंत्री न अधिवेशना शुभकामना द्यायी अर बोलि कि उत्तराखण्ड प्रान्तीय सिविल सेवा संघा न जु मांग पतर द्यायी वे पर कारवै होलि। सबि विषयौं पर विचार कैकि समस्या कु समाधान कर्यें जालु।
मुख्यमंत्री न बोलि तुम सबि सरकार अंग छौं अर जब तुम जनहिता काम करदौ, त वां से जनता कु भरोसु सरकार पर हौरि बढ़ि जान्द। उन्न बोलि कि अधिकारी सरकार अर लोगु क समस्या क बीच एक पुळा काम करद।
मुख्यमंत्री न बोलि कि तुम जनता पर सरकारा बीच मा जतगा अच्छु समन्वय करला त जनहिता कामु हौरि तेजी से होला।
मुख्यमंत्री न अधिकारियों तैं बोलि कि गुड गवर्नेस और इनोवेशन पर जोर दियां।
मुख्यमंत्री न बोलि कि सर्या देसम उत्तराखण्डा एक अलग पछ्याण च, यीं पछ्याण तैं बणैं की रखणा खूणि हमरा सबि अधिकारियों तैं ब्रांड एम्बेस्डरा नाता काम करण।
मुख्यमंत्रीन बोलि कि उत्तराखण्ड तैं अग्वान्या प्रदेस बणौंणा खूणि हम सब्यौं तैं मिलकैकि काम करण या हम सब्यौं क जिम्मेबरि च। मुख्यमंत्री न बोलि कि प्रान्तीय सिविल सेवा सामान्य सेवा नी च। करोडु लोगों मा कुछ लोगु तैं यीं सेवा तैं करणा कु मौका मिलदु। उत्तराखण्ड क सवा करोड़ क जनता क सेवा अर राज्या भलै खूणि अर प्रदेसा सेवा करणा कु तुमथैं मौका मिलि। इन्न उमेद च कि सबि अपणि पूरि मेनत अर लगन से काम करला।
मुख्यमंत्री न बोलि मितैं जब बिटि मुख्य सेवक क रूप मा प्रदेसा सेवा करणा कु मौका मिलि, तब बिटि मिन अपणु ज्यूं अर विचार तैं प्रदेसा सेवा मा लगै।
मुख्यमंत्री न बोलि प्रदेसा भलै खूणि क्वीं बि अधिकारी क्वी बि सुझौ दिंण चान्दन त वु सीधा मितैं बतै सकदन।
ऐ मौका पर गढ़वाल आयुक्त विनय शंकर पांडेय, उत्तराखण्ड प्रान्तीय सिविल सेवा संघ के अध्यक्ष गिरधारी सिंह रावत, उपाध्यक्ष डॉ. ललित नारायण मिश्रा, प्रताप शाह, पी. सी. दुमका अर पीसीएस एसोसिएशन के पदाधिकारी मौजूद छायीं।