जी-20 एंटीकरप्शन वर्किग ग्रुप मीटिंग ह्वै खतम
नरेन्द्र नगर। जी-20 एंटीकरप्शन वर्किंंग ग्रुपा क बैठक खतम ह्वैग्यें। बैठक मा भ्रष्टाचार कनु कैकि कि खतम ह्वाळु यीं बात फर चर्चा ह्वै अर कुछ फैसळा बि लियेग्यींन।
जी-20 एंटीकरप्शन वर्किंंग ग्रुपा क दूसर बैठक , जै कु उद्घाटन 25 मई खूंणि माननीय रक्षा अर पर्यटन राज्य मंत्री अजय भट्ट न कै छायीं, आज टिरी मा खतम ह्वैग्यें।
बैठक मा 20 सदस्य देस, 10 न्यूतेर देस, अर यूएन ओडीसी, ओईसीडी, एगमॉन्ट गु्रप , इंटरपोल अर आईएमएफ क दगड़ 9 अंतर्राष्ट्रीय संगठन क 90 प्रतिनिधियौं न भाग ल्यें।
तीन दिनु मा एसेट रिकवरी, चंपत अपराधियों, एक दुसर तैं सूचना देंणा खूंणि सूचना औपचारिक अर अनौपचारिक भ्रष्टाचार से निटपणा खूंणि संस्थागत ढांचा अर कानूनी मदत क जन्न क्षेत्र मा विचार विमर्श ह्वै।
बैठक मा भ्रष्टाचार तैं रवक्णा खूंणि वै से लड़णा खूंणि तीन उच्च स्तरीय सिद्धान्त पर सबि सहमत ह्वै।
कार्यक्रम मा विदेश अर संस्कृति राज्य मंत्री भारत सरकार श्रीमती मीनाक्षी लेखी मुख्य भाषण दे। उर्यूं कार्यक्रम मा राष्ट्रीय अर अंतर्राष्ट्रीय जणगुरुऔं न भ्रष्टाचार फर विचार विमर्श कायी।
ऋषिकेश अयां प्रतिनिधियौं तैं भारता क जस, संस्कृति अर खाणु-पीणु क रस्याण बि ल्यायी।
भारत जी-20 एंटीकरप्शन वर्किंंग ग्रुपा क तिसर बैठक 9, 11 अगस्त खूंणि कोलकाता मा दूबरा त्यार च।