नौकरि बटि हट्यां फ्रंटलाइन हेल्थ वर्करौंन कायी सचिवालय कूच कायी
देरादूण। दून अस्तपाल बटि भैर कर्यां फ्रंटलाइन हेल्थ वर्करौंन आज सविवालय कूच कायी। पुलिसन ऊथैं सचिवालय से पैळि बेरिकेटिंग लग्यें कि रोकि दे। नाराज प्रदर्शनकारियों न स्वास्थ्य मंत्री क खिलाफ नाराबाजी कायी।
प्रदर्शनकारियों बोलि कोरोना काल मा हमन काम कायी अर आज जब कोरोना खतम ह्वैग्यें तब हमथैं नौकरि बटि भैर कर्ये ग्यायी। उन्न बोलि कि हमथैं खाली पदु मा भर्ति करणा क आस बि दियें ग्यें छायीं पर आज तक क्वीं कारवै नीं ह्वै।
प्रदर्शनकारियों न बोलि हम कै दिन बटि अपड़ि मांग तैं लेकैकि आन्दोलन करणा छा पर सरकार हमरि क्वीं बात सूणणा खूंणि त्यार नीं च। उन्न बोलि बल कोराना काल मा जब कर्मचारी नी छायीं तब हमथैं राजकीय दून मेडिकल कॉलेज अस्तपाल मा नौकरि दियें ग्यें पर अब जब प्रदेसा मा कोरोना कम ह्वैग्यें त हमथैं नौकरि बटि भैर करि द्यायी। उन्न बोलि हम अपड़ि नौकरि थैं अगनै बढ़ौंणा क मांग करणा छा, पर सरकार हमरि बात ही नी सूणणि च इल्लै हि हमथैं आज सचिवालय कूच करण प्वाड़।
प्रदर्शनकारियों न बोलि कि हमथैं ब्वलें ग्यें छायीं कि तुमथैं दुबरा नौकरि पर धर्यें जाळु पर अबि तक कुछ बि नीं ह्वै।