मुख्यमंत्री कायी रैट माइनर्सों तैं सम्मानित
देरादूण। मुख्यमंत्री धामीन आज मुख्यमंत्री आवास म उत्तरकाशी क सिलक्यारा बचाव काम म सुरंग क भिरत खुदै करण वला 12 रैट माइनर्स तैं सम्मानित कायी अर सबि रैट माइनर्सों तैं 50-50 हजार रुप्यौं क राशि भेंट कायीं।
मुख्यमंत्री धामी न बोलि कि रैट माइनर्सों न अपणि जिन्दगि क परवा नीं कै अर सुरूंगा सफै अर पैप कटणा कु काम कायी। उन्न बोलि सिलक्यारा रेस्क्यू ऑपरेशन तैं सफल बणौंणा मा रैट माइनर्स कु बौत बडु योगदान छायीं।
मुख्यमंत्री न सिलक्यारा बचावक् काम मा लग्यां सबि मनखियों कु प्रदेस जनता तरफा बटि आभार बोलि। मुख्यमंत्री न बोलि बल सुरूंग म फस्यां 41 मनखियों तैं बचौंणा खूंणि बौत लोगुन काम म लग्या छायीं अर ऐ काम मा मिथैं बि मौका मिलि, या मि खूंणि बौत फक्र क बात च।
ऐ मौका पर अपर मुख्य सचिव श्रीमती राधा रतूड़ी, जिलाधिकारी उत्तरकाशी अभिषेक रूहेला मौजूद छायीं।