कैबिनेट बैठक मा 13 प्रस्तावु फर कैबिनेट कु लगि टप्पा
देरादूण। मुख्यमंत्री धामी न क अध्यक्षता मा मंत्रिमण्डल क बैठक ह्वै। बैठक मा 13 प्रस्तावु फर कैबिनेट कु टप्पा लगिग्यें।
आज बुधबार खूंणि धामी क अध्यक्षता मा मंत्रिमण्डल क बैठक बुल्ये ग्यायी।
बैठक मा विभागु क संशोधित नियमावली तैं मंजूरि दियेग्ये।
उत्तराखण्ड राज्य निर्वाचय आयोग क नियमावली तैं संशोधित कर्यें ग्यें। राज्य निर्वाचन आयुक्त का कार्यकाल पांच साल अर पैंसठ साला जगा मा अब 6 साल या फिर 68 साल कर्ये ग्ये। वखि अब नक्शा पास करण खूंणि भैर बटि भर्ति कर्यें जाली। रेरा क एफिलेटेड अथॉरिटी क जरिया वसूली क नियमावली मा बि बदलौव कर्यें ग्यायी।
वित्त विभाग, बजट पास हूंण क बाद जिलों मा बणि योजनाओं क बजट क जाणकारि देळु। पैलि दिसम्बर मैना मा जाणकारी दियें जान्दि छायीं।
उत्तराखण्ड हाईकोर्ट तैं नैनीताल बटि हल्द्वानी लीज्यें जालु। हल्द्वानी क गौला पार मा 26.08 हेक्टेयर वन भूमि मा हाईकोर्ट बण्यें जालु।
नै चकरौता शहर तैं पुरोड़ी-नागथात-लखवाड़ बटि यमुना नदी तक अगनै बढ़ै कि विकास क्षेत्र घोषित कर्यें जाणा कु प्रस्ताव कैबिनेट मा लियें ग्यायी। नै चकरौता मा 40 गौं सामिल छन जैमा ठाणा, टुंगरा, चोर कुनावा, विरमोऊ, छटोऊ, क्यावा, कैनोटा, गांगरौ, मुन्धान, लखवाड़ छन या खूंणि 2 करोड़ रुप्यौं दियेग्यीं।
केदारनाथ मा मास्टर प्लान क जरिया केन्द्र सरकार क तरफ बटि चिंतन शिविर बण्यें जणि। केदारधाम मा शिव उद्यान/चिंतन स्थल कु नकशा खूंणि लिये जाणि फीस माफ कर्यें ग्यायी।
बैबिनेट बैठक मा मुख्यमंत्री न उच्च शिक्षा मा छात्रवृत्ति योजना तैं मंजूरि दियेग्यें अब स्नातक अर स्नातकोत्तर मा सबसे जादा नम्बरु से पास हूंण वला तीन बच्चौं तैं स्कॉरशिप दियें जाली।