औळी मा ह्वाळा ह्यूंदि का खेळ (विंटर गेम) : सतपाल महाराज
पर्यटन मंत्री सतपाल महाराजन साफ कै याळी कि ऐसु औळी ह्यूंदि का खेळ (विंटर गेम) कर्यें जाळा। जै का बाद औळी क ज्वान नौन्याळु सुरक्षित औळी कु रैबार देंणा खूंणि स्कीइंग क त्यार सुरू कै याळी।
जोशीमठ मा भ्वां मा धसणि जमीन क बाद औळी ह्यूंदि का खेळ अर चारधाम जातरा सुरु करणा क बारा मा सरकारन अबि बटि त्यारि सुरु कै याळी। अर अधिकारियों तै झटाझट काम करणा क निर्देश देयाळी।
पर्यटन मंत्री सतपाल महाराजन बोलि कि औळी मा ऐसु ह्यूंद क मैना मा हूंण वळा खेळ कर्यें जाळा। उन्न बोलि औळी मा ज्वान नौन्याळु न सुरक्षित औळी कु रैबार देंणा खूंणि स्कीइंग क त्यार सुरू कै याळी।
महाराजन बोलि कि औळी मा पर्यटना धाण-धंधा मा बौत ळोग ज्वड़यां छन। अर ह्यूं प्वड़णा क बाद खेळु खूंणि बौत अच्छु मौसम च।
पर्यटन मंत्री न बोलि कि पर्यटन विभागन औळी मा ह्यूंदि का खेळ करणा खूंणि पूरि त्यारि कै याळी। उन्न ऐ बारा मा सबि अधिकारियों थैं बन्दबस्त करणा खूंणि निर्देश दे दीं।