उपराष्ट्रपति चुनौ: जगदीप धनखड़ ह्वाला एनडीए क उमेदवार

नै दिल्ली। उपराष्ट्रपति मा चुनौं मा जगदीप धनखड़ एनडीए क उमेदवार ह्वाला।

आज नै दिल्ली मा भाजपा क संसदीय बोर्ड कछेड़ि (बैठक) मा जगदीप धनखड़ क नाैं पर सलाह ह्वै। जगदीप धनखड़ अबि पश्चिम बंगाल क राज्यपाल छन।

बतै दियां कि उपराष्ट्रपति के चुनौ खूंणि 6 अगस्त 2022 मा बोट डल्यें जाला अर वे दिनमा हि यांकु परिणाम ऐ जालु।

नै दिल्ली मा भाजपा क दप्तर मा ह्वै कछड़ि प्रधानमंत्री मोदी, केंद्रीय मंत्री अमित शाह, नितिन गडकरी, राजनाथ सिंह, भाजपा महासचिव बीएल संतोष अर मध्य प्रदेश क मुख्यमंत्री शिवराज सिंह चौहान छायीं।

कछड़ि के बाद पत्रकारू थैं भाजपा के अध्यक्ष जेपी नड्डा न बतै कि जगदीप धनखड़ भारत क उपराष्ट्रपति क पद खूंणि एनडीए क उमेदवार छन। उन्न बतै कि बौत सर्या नौं पर छुंयीं (चर्चा) ह्वै। लेकिन बाद मा जगदीप धनखड़ क नौं पर सब्यां राजी ह्वैग्यीं।

बतै दियां कि आज दिनमा जगदीप धनखड़ न प्रधानमंत्री क दगड़ मा अर ब्याळी अमित शाह क दगड़ भेंट कै छायीं।