वाइब्रेंट विलेज योजना मा गुंजी, नीति, मलारी अर माणा कु ह्वै चुनो

देरादूण। प्रदेस मा पर्यटना विकास खूंणि राज्य सरकारक कोसिस अर केन्द्र सरकार क मदता न स्वदेश दर्शन योजना 2.2 जरिया उत्तराखण्ड क पिथौरागढ़ अर चंपावत जनपदु मा पर्यटन कु बन्दबस्त थैं सजिळु बणौंणा खूंणि भारत सरकारन 140 करोड़ रुप्यौं क मंजूरी दे द्यायी।

प्रदेसा क पर्यटन, धर्मस्व एवं संस्कृति मंत्री सतपाल महाराजन यु बतै कि भारत सराकारन स्वदेश दर्शन योजना 2.2 क जरिया उत्तराखण्ड क पिथौरागढ़ अर चंपावत जनपदु मा पर्यटन कु बन्दबस्त थैं सजिळु बणौंणा खूंणि भारत सरकारन 140 करोड़ रुप्यौं क मंजूरी दे। जैमा पैळि 70 करोड़ रुप्यौं न पिथौरागढ़ मा कैलाश, गुंजी तोक मा इंफ्रास्ट्रक्चर बण्यें जालु जैका दगड़ा दगड़ि मैनेजमेंट प्लांट बण्यें जालु।

पर्यटन मंत्री न बोलि कि जनपदु क केर (बॉर्डर) फर पर्यटन थैं बणौंणा क दगड़ मा खालिया टॉप मा स्कीईंग, पंचाचुली पीक, बिर्थी वाटरफॉल क दगड़ मुनस्यारी, मदकोट जौलजीबी , पाताल भुवनेश्वर जन्नि जगों मा विकास कैकि इको टूरिज्म अर एडवेंचर टूरिज्म खूंणि भि त्यारि करै जाली।

महाराजन बोलि कि पिथौरागढ़ क तरौं चंपावत मा 70 करोड़ रुप्यौं न स्वदेश दर्शन योजना 2.2 मा संस्कृति अर हेरिटेज टूरिज्म थैं अगनै बणौंणा खूंणि पूर्णागिरि, एबॉट माउंट, नंदा दूर सेंचुरी अद्वैत आश्रम मायावती मा पर्यटकों खूंणि सजुळि बण्यें जालु।

पर्यटन मंत्री महाराजन बोलि कि भारत सरकार क वाइब्रेंट विलेज योजना मा प्रदेस क 4 गौ गुंजी, नीति, मलारी अर माणा कु चुनो ह्वै। यु चर्यां गौ मा वाइब्रेंट विलेज मा पर्यटन थैं अगनै बणौंणा क दगड़ा दगड़ि भैर रैंण वळा यखका रैवासी बौड़िक आला अर यखक ळोगु थैं घाण-धंधा यखि मिळि जाळु।