उत्तराखण्ड सन्निर्माण कर्मकार बोर्ड भंग, सचिव पद बटि दमयंती रावत क छुट्टी ह्वै ग्यायी
देरादूण। उत्तराखण्ड सन्निर्माण कर्मकार बोर्ड थैं आज भंग कैरि द्यायी। जैका बाद बोर्ड मा सचिव पद बटि दमयंती रावत क विदै ह्वै ग्यायी।
बोर्ड का नए अध्यक्ष शमशेर सिंह सत्याळ यांकी पुष्टि कायी। उन ब्वाळ कि आज नै बोर्ड की घोषणा भि ह्वै सकद।
बतै द्या कि अबि पिछळा दिनु मा शासन न बोर्ड का पनुगर्ठन कायी छायी। जैका बाद श्रम मंत्री हरक सिंह रावत थैं अध्यक्ष पद बटि हटै कि शमशेर सिंह सत्याळ थैं जिम्मेदारी सौंपे ग्यायी।
पद बटि हटऐ जाणा का बाद नाराज हरक रावत क आज मुख्यमंत्री दगड़ सचिवाळय मा भेंट ह्वै। ये दौरान उंकी सिफर विभागीय काम काज का बाराम बात ह्वै बस।