उत्तराखण्ड मित्र पुलिस, अब मनख्यात (मानवता) भि नि रै ग्यायी

देरादूण। उत्तराखण्ड मित्र पुलिस मा अब मनख्यात भि नि रै ग्यायी। यू आरोप उत्तराखण्ड क चीता पुलिस पर लग्णूं च।

बतै दियां कि इत्वार खूंणि राति हर्रावाला मा एक मोटर सैकिल दुर्घटना ह्वै ग्यें छायी। ऐ बातिक जाणाकारी जन्नि चीता पुलिस थैं मिळि पुसिस द्वी ज्वान वखम पौंचि ग्यीं।

घैळ कांस्टेबल राकेश राठौर सड़कि मा टबलाणु (तड़फना) रायीं लेकिन चीता पुलिस के ज्वानु न सिपै राकेश राठौर के मदत त दूर वैथैं पाणि तक नि पिल्यें अर 108 एंबुलेंस कु इंतजार करणा रैं। सिपै राकेश न कै बार उठणा क कोसिस कायी लेकिन चीता पुलिस न वैकि कुईं मदत नि कायी अर वीडियो बणाण मा हि लग्यीं रायी।

जै क बाद 108 एंबुलेंस सिपै राकेश राठौर थैं अस्पताल मा लेकैकि ऐ जख इलाज करद्दा सिपै राकेश टुणपट (मौत) ह्वै ग्यें।

जैका बाद चीता पुलिए पर सवाल उठणा छन कि बल चीता पुलिस क ज्वान राकेश थैं बगत पर अस्पताल मा भर्ती करै दिन्दा त राकेश थैं बच्यें जै सकदु छायीं लेकिन चीता पुलिस वीडियो बणाणा मा अर 108 कु इंतजार हि करणि रायी।

चीता पुलिए क यू वीडियो सोशल मीडिया मा वायरल ह्वै ग्यायी जैका बाद पुलिस क बड़ा अधिकारियूं क आंखा खुळिन अर देरादूण क एसएसपी ने एसपी सिटी थैं मामला मा जांच के आदेश दे दीं। व वखि डीजीपी अशोक कुमार न ऐ मामला मा ब्वाळ कि मामला क जांच कर्यें जाली अर कुईं भि पुलिस वळु दोषी ह्वालु त वै फर कारवै ह्वैळी।