यूकेडी न वात्सल्य कतल कु मामळा मा भाजपा क नेहा शर्मा तैं खुब झपोड़ि
देरादूण। उत्तराखण्ड क्रांन्ति दलन वात्सल्य कतला मामला मा भाजपा नेता नेहा शर्मा क पुलिस मा सिकैत पर अपड़ि नराजगी जतै।
यूकेडी न महिला प्रकोष्ठा केन्द्रीय अध्यक्ष सुलोचना ईष्टवाल न बोलि नेहा शर्मा कु बौल्येंणु (बौखलाहट) बतौंणु च कि भाजपा नेता नेहा शर्मा कखि न कखि वात्सल्य कु कतल मा सामिल च। उन्न बोलि कि यूकेडी उन्ना फुट्यां आंखौं तैं देखिकि डरण वळि नी च। उन्न बोलि कि नेहा शर्मा पुलिस मा शिकैत कैकि हमथैं डरैं देळी त यां ऊंकी बौत बड़ी गळती च।
सुलोचना ईष्टवाल न ऐ मामळु मा मुख्यमंत्री तैं जाणकारि लेकैकि एसआईटी बण्यें की जांच करणा क मांग कायी अर बोलि कि नेहा शर्मा क कमै से जादा जैदादा कि जांच, अर भाजपा उंथैं पार्टी बटि भैर करणा क दगड़ा दगड़ि उंकु ऋषिकेश रिजॉट मा आण जाण वळौं क कि जांच कर्यें ज्यां।
यूकेडी क प्रवक्ता अनुपम खत्री न बोलि सरकार कु संगठन इन्न न स्वच्यां कि उंका इन्ना आंखा दिखेकि यूकेडी डैर जाली। उन्न बोलि जनि नेहा शर्मा बौल्येंणि च वै से साफ च कि दाळिम कुछ काळु च।
प्रेस मा उत्तराखंड क्रांति दल महिला प्रकोष्ठा अध्यक्ष सुलोचना ईस्टवॉल, केंद्रीय प्रवक्ता अनुपम खत्री, प्रमोद वात्सल्य अर रामकुमार अत्री छायीं।