उत्तराखण्ड थैं साहसिक पर्यटन क तोक मा मिळि सर्वश्रेष्ठ राज्य कु ईनाम
देरादूण। देवभूमि उत्तराखण्ड थैं साहसिक पर्यटन क तोक मा अग्वानया (अग्रणी) रैंण फर सर्वश्रेष्ठ राज्य कु पुरस्कार दियेग्यें। प्रदेसा थैं यु ईनाम गुरुगाम मा एक मीडिया संस्थान क उर्यूं टैªवेल अर टूरिज्म कॉन्क्लेव का दियेग्यें। प्रदेस थैं यु ईनाम राज्य मंत्री पर्यटन अजय भट्टा क समणि दियेग्यें।
ईमान मिलण खुसी मा उत्तराखण्ड पर्यटन मंत्री सतपाल महाराजन बोलि कि या हम खूंणि गौरव क बात च। उन्न बोलि कि अबि तक देवभूमि क पछ्याण धार्मिक अर रौंतेळा पाड़ छायीं अर अब प्रदेसा पछ्याण साहसिक पर्यटन मा बि अगनै आणि च।
साहसिक पर्यटक मा हमन पैराग्लाइडिंग, रिवर राफ्टिंग, ट्रेकिंग, कयाकिंग जिप लाइनिंग, बोटिंग, स्कीइंग बंजी जम्पिंग थैं अगनै बढ़ौंणा खूंणि
नै जगों थैं विकसित कायी। जैमा राफ्टिंग खूंणि चम्पावत मा टनकपुर, पिथौरागढ़ मा जौलजीवी, उत्तरकाशी मा काली अर तौस नदी मा, पैराग्लाइडिंग खूंणि पौड़ी जिला मा सतपुली, देहरादून मा मालदेवता, नैनीताल मा खुरपताल अर कोटाबाग, नै टिरी मा थैं विकसित कायी। जिप लाइनिंग मा कनाताल, संकरी, धनौल्टी अर ऋषिकेश छन। उन्न बोलि कि हमन रिवर राफ्ट मा गाइडों खूंणि प्रशिक्षण शिविर द्वी मैना तक लगें।
महाराजन बोलि कि सितम्बर अर अक्टूबर क मैना मा हम रिवर राफ्टिंग क प्रतियोगिता उर्याणा छा, जैमा हमथैं जादा से जादा पर्यटकु क आणा क उमेद च।