उत्तराखण्ड बटि 2025 तक नशा थैं पूरी तरौं खतम करणा कु लक्ष्य च : धामी
देरादूण। मुख्यमंत्री धामीन न आज पुलिस मुख्यालयमा ‘उत्तराखण्ड पुलिस मंथन चुनौतियां एवं समाधान’ कार्यक्रम थैं सुरु कायी।
एक मौका फर मुख्यमंत्री न बोलि कि उत्तराखण्ड पुलिस थैं स्मार्ट अर तागतवर बणौंण खूंणि फिटनेस अर पर्सेप्शन मैनेजमेंट पर खास ध्यान देंणा प्वाड़ळु।
मुख्यमंत्री न बोलि कि ऐ तीन दिनाकु मंथन मा कानूनन अर बन्दबस्त क दरकार थैं औरि कटकुटु बणौंणा अर जन सरोकारु से जुड्यां मामळु मा भी मंथन ह्वाळु।
मुख्यमंत्री न बोलि कि दय्बतौं क भूमि उत्तराखण्ड मा 2025 तक नशा थैं पूरी तरौं खतम करणा कु सौं लियीं च, जैमा पुलिस क बौत खास अर जादा काम ह्वाळु। मुख्यमंत्री न बोलि कि साल 2023 मा कांस्टेबल क 1000 पदु मा भर्ति कर्यें जाली, जैमा 1521 पुलिस कांस्टेबलौं कु भर्ति की त्यारि चलणि च, भर्ति हूंण तक 1521 पीआरडी क ज्वानु थैं नौकरि दियें जाली। अल्मोड़ा अर श्रीनगर क ब्यटुळा थाणौं मा साइबर थाणा ख्वळें जाला।
मुख्यमंत्री न बोलि कि भैर क मनखियों कु सत्यापन लगातार चल्यें ज्यां व भ्रष्टाचार करण वळों फर भि सखत करवै कर्यें ज्यां।
बैठक मा अपर मुख्य सचिव श्रीमती राधा रतूड़ी, पुलिस महानिदेशक अशोक कुमार एडीजी पी. वी. के प्रसाद, अमित कुमार सिन्हा, वी. मुरूगेशन, आईजी ए. पी अंशुमना दगड़ औरि अफसर मौजूद छायीं।