विधानसभा मा 5440 करोड़ रुप्यौं से जादा कु अनुपूरक बजट ह्वै पेश
देरादूण। उत्तराखण्ड ह्यूंद कु विधानसभा सत्र आज सुरु ह्वैग्यें। सत्र 5 दिसम्बर तक चलळु। आज सुरु हूयां सत्र मा सदन अर सड़क्यिों मा हंगामा हि हंगामा ह्वै। विपक्षा न कै मामलों मा सरकार फर हमला कै।
आज सुरु हूयां सत्र मा पैलि विधायक दिवंगत केदार सिंह फोनिया थैं श्रद्धांजलि दियेग्यें। ऐ मौका फर नेता प्रतिपक्ष यशपाल आर्य न बोलि कि आज वुकीं याद अर राज्य क विकास खूंणि कर्यूं ऊंका काम हम सब्यौं थैं अगनै बढ़णा क प्रेरणा देन्दन।
ए मौका फर भाजपा विधाययक मुन्ना सिंह चौहान न बोलि कि केदारसिंह फोनिया क दगड़ उत्तरप्रदेस क विधानसभा मा दगड़ काम करणा मौका मिळि। उन्न बोलि कि फोनिया न उत्तरप्रदेस विधानसभा मा मेेरी चर्चा अर बहस थैं अपड़ि किताबि कु हिस्सा बण्यें।
विधानसभा सत्र मा सचिव विधानसभा न राज्य आंदोलनकारियों थैं क्षैतिज आरक्षण कु फैदा देंण वळु विधेयक सदना क पटल धेरीं। जैका बाद उत्तराखण्ड मा 6 विधेयक अधियिम बण्यें ग्यें। जैमा विनियोग विधेयक 2022 बना पांचवों अधिनियम बण्यें ग्यें।
वखि दिनमा विधानसभा मा 5440 करोड़ रुप्यौं से जादा कु अनुपूरक बजट पेश कर्यें ग्यें। वित्त मंत्री प्रेमचन्द्र अग्रवालन मुख्यमंत्री धामी बजट क कॉपी थैं लैकैकि विधानसभा मा पौंचि।
उत्तराखण्ड मा ब्यटुलों थैं नौकरि मा 18 जुलै 2001 मा उबरि क सरकार न 20 फीसदी आरक्षण दे छायीं। जैका बाद कांग्रेस के एनडी तिवारी के सरकारन ऐथैं 30 प्रतिशत कै द्यायी। तब बटि सिरफ जीओ क जरिया यु लाभ ब्यटुळौं थैं दियें जाणु छायी। अब ब्यटुलों थैं वु लाभ दिंणा खूंणि विधानसभा पटल पर विधयेक के रूप मा ल्याण क दरकार छायीं जै थैं सरकारन पूरू कै।
वखि जसपुर क विधायक आदेश चौहान विशेषाधिकारी हनन कु प्रस्ताव पर अपड़ि बात बोलि, उन्न बोलि कि पुलिस ऊंथैं परेशान करणि च। उन्न सरकार थैं खबरदार कैकि बोलि कि अगर कारवै नीं ह्वैं त मिथैं विधानसभा क भैर आत्मदाह कैरि द्यूळु।