साल 2025 तक देवभूमि थैं नशा मुक्त करणा खूंणि खड़खड़ु ह्वैकि काम कर्यें ज्यां: मुख्यमंत्री

देरादूण। मुख्यमंत्री पुष्कर सिंह धामीन बोलि कि साल 2025 तक देवभूमि थैं नशा मुक्त करणा खड़खड़ु ह्वैकि काम काम कर्यें ज्यां। यां खूंणि सब्यां विभाग दगड़ मा काम कर्यां। या बात मुख्यमंत्रीन सचिवालय मा नार्को कॉडिनेशन बैठक मा बोलि।

मुख्यमंत्री बोलि कि देवभूमि उत्तराखण्ड थैं नशा मुक्त करणा क जिमेबरि एक दूसरे से मिळिक करण चैंद। साल 2025 तक देवभूमि थैं नशा मुक्त करणा प्वाडळु। उन्न बोलि कि यू एक तरौं नशा क व्यापारियों क कमर त्वाडन कु काम च दूसर तरफ ज्वान अर छवट्टा नौन्यालु थैं नशा से बचौंणा कु काम भि च। उन्न बोलि कि नशा क व्यापारियों थैं पकड़ना खूंणि पुलिस विभाग थैं अपडु मुखबिर तंत्र थैं औरि मजबूत करण प्वाड़ळु।

उन्न बोलि या खूंणि पुलिस, आबकारी अर ड्रग्स कंट्रोलर मिलिक काम कर्यां।
उन्न बोलि कि नशा करण वला बच्चा अर ज्वानु क समस्या थैं सुणणा क सै ढंग से व्यवस्था हूंण चैंद।

मुख्यमंत्री न बोलि कि नशा करद दा पकड़यां बच्चों क दगड़ मा अपराधी के जन बरताव नि हूंणि चैंद। उंथैं समझे कि सै बाटा मा ल्याण पर साख ध्यान देंण चैंद।

मुख्यमंत्रीन प्रदेस मा द्वी नशा मुक्ति केन्द्र ख्वलणा खूंणि भि बोलि।

मुख्यमंत्री न देवभूमि थैं नशा फ्री बणौंणा खूंणि मुख्य सचिव राधा रतूड़ी थैं लगातार यांकि समीक्षा करणा खूंणि बोलि।