30 नवम्बर तक सड़कियों क खडवळा भ्वरें जाण च्येंदन : मुख्यमंत्री
देरादूण। मुख्यमंत्री धामी न आज सचिवालय म लोक निर्माण विभागा बैठक कायी। ऐ मौका फर उन्न अधिकारियों तैं बोलि कि 30 नवम्बर तक सड़कियों क खडवळा भ्वरें जाण चैंद अर सचिव लोक निर्माण विभाग अर सर्कल अफसर सड़कियों तैं जैकैकि दय्खयां।
मुख्यमंत्री धामी न निर्देश दी कि बगत से पैलि अगर सड़कियौं क खडवळा भ्वरणा मा क्वीं बि लापरवै हूंद त जिम्मेबार अधिकारी तैं उबरि निलंबित कर्यें ज्यां। उन्न निर्देश दी कि स्मार्ट सिटी व सैरा (शहर) भितरा सड़कियों कु काम बि पूरु कर्यें ज्यां
सैरु मा सड़कियों कु काम रातिम कर्यें ज्यां। मुख्यमंत्री न बोलि सड़कियों तैं बणौंणा मा गुणवत्ता कु खास ध्यान दियें ज्यां, यां मा क्वीं लारपवै नीं हूंण चैंद।
मुख्यमंत्री न बोलि कि देरादूण म ग्लोबल इन्वेस्टर्स समिट अर आपदा प्रबंधन पर 6 वीं अंतर्राष्ट्रीय कांग्रेस जना द्वी बड़ा कार्यक्रम हूंणि यां तैं ध्यान मा धेरिकि सबि त्यारि बगत मा पूरि कर्यें ज्यां।
मुख्यमंत्री न अधिकारियों तैं निर्देश दी कि सिल्क्यारा उत्तरकाशी म सुंरूग मा फस्यां भुरत्यों (श्रमिक) क रेस्क्यू ऑपरेशन मा लगि एजेंसियों क सबि तरौं क मदद कर्यें ज्यां।
बैठक मा अपर मुख्य सचिव श्रीमती राधा रतूड़ी, सचिव डॉ. पंकज कुमार पाण्डेय, अपर सचिव विनीत कुमार, नगर आयुक्त देहरादून मनुज गोयल अर लोक निर्माण विभागा अधिकारी छायीं।