गणतंत्र दिवस मा दिख्यें जाली मानसखण्डा क झांकी

देरादूण। देरादूण। उत्तराखण्ड प्रदेस क झांकी थैं गणतंत्र दिवसा परेड 2023 मा दिख्यें जाणा कु फैसळा ह्वैग्यें।

मुख्यमंत्री धामी क मार्गदर्शन फर सूचना विभागा क मानसखण्ड फर बणयीं झांकी तैं गणतंत्र दिवस फर दिख्यें जालु।
सूचना महानिदेशक बंशीघर तिवारी न बतै कि झांकी क अगनै अर बीच मा कार्बेट नेशनल पार्क मा चरणा बारहसिंघा, घुरल, मोर अर चखुला ह्वाळा। झांकी क पिछनै जागेश्वर मंदिर अर देवदारू क डाळौं थैं दिख्यें जालु।

उन्न बतै कि यांक दगड़ मा उत्तराखण्ड क लोक कला ऐपण थैं झांकी कु मॉडळ मा दिख्यें जालु। झांकी क दगड़ उत्तराखण्ड क लोक संस्कृति छोलिया नाच थैं भि दिख्यें जालु। झांकी क थीम उत्तराखण्ड क लोक संस्कृति पर ह्वैळी।