रखड़ी भै-बैणियों कु पवैत्र बंधन कु त्योवार च : मुख्यमंत्री धामी

देरादूण। मुख्यमंत्री आवास मा आज मुख्यमंत्री न उर्यूं रक्षाबंधन समारोहम मा प्रदेस बटि अयां ब्यटुळौं न मुख्यमंत्री धामी तैं रखड़ी बांधि।

ऐ मौका फर मुख्यमंत्री न बोलि कि रखड़ी कु त्योवार भै-बैणियों कु पवैत्र बंधन कु त्योवार च।
मुख्यमंत्री न बोलि क आज हमरि ब्यटुळौं क तागत अपड़ा काम अर विस्वासन अप्फु तैं आत्मनिर्भर बणौंणा दिसा मा खळाखळ अगनै बढ़णि छन। उन्न बोलि प्रदेस मा महिला स्वयं सहायता समूह क ब्यटुळा बौत अच्छु काम करणा छन। मुख्यमंत्री न बोलि कि ब्यटुळौं तैं औरि कटकुटु बणौंण खूंणि महिला स्वयं सहायता समूहौं तैं 5 लाख रुप्या बिना ब्याज दियें जाणा छन। प्रदेस मा महिला सशक्त बहना उत्सव योजना सुरु ह्वैग्ये।

मुख्यमंत्री दप्तर मा यां से पैलि मुस्लमान बैणियौं न मुख्यमंत्री तैं रखड़ी बांधि। मुख्यमंत्री न सबि तैं रखड़ी बधै दे अर सबि राजि खुसी रयां या कामना कायी।

एक मौका फर श्रीमती गीता पुष्कर धामी, भाजपा महिला मोर्चा क प्रदेश अध्यक्ष श्रीमती आशा नौटियाल, भाजपा क राष्ट्रीय महामंत्री महिला मोर्चा श्रीमती दीप्ति रावत, राष्ट्रीय उपाध्यक्ष युवा मोर्चा सुश्री नेहा जोशी, बाल आयोगा अध्यक्ष डॉ. गीता खन्ना बि छायीं।