हिन्दुस्तान मा पहुंंचि ग्यायी ‘राफेल’, प्रधानमंत्री ट्वीट कैकि ब्वाळ ‘स्वागतम’

UK Dinmaan

फ्रांस बटि अय्या 5 राफेळ ळड़ाकू विमान हिन्दुस्तानैै धरती मा पहुंचण पर प्रधानमंत्री न ऊंका स्वागम मा टच डाउन वीडियो ट्वीट कैकि ब्वाळ देश रक्षा समान कुई पुण्य, व्रत अर यज्ञ नि हुन्दु। प्रधानमंत्री न भारतीय एअर फोर्स क वाक्य ‘नभ सदृशं दीप्तम्’ क दगड़ स्वागतम भि लेखि।

वखि गृह मंत्री न राफेळ देश मा आणा थैं गर्व कि घड़ी बतै, अर ट्वीट कैकि ब्वाळ कि राफेळ का टचडाउन हमरि ताकतवर एयर फोर्स खुणि एक ऐतिहासिक घड़ी।

रक्षा मंत्री न ब्वाळ कि अब हमारा दुश्मनु थैं चिंता हुंण बैठि ग्यायी। उन ब्वाळ कि राफेळ खरीदणु एक साहसिक फैसळा च, प्रधानमंत्री थैं एकदा दुबरा धन्यवाद।

भारतन फ्रांस सरकार बटि 60 हजार करोड़ रूप्या मा 36 राफेळ विमानु क सौदा कायी। जैमा 5 राफेळ लड़ाकू विमान फ्रांस क बोरदु शहर बटि 7000 किलोमीटर दूरी तय कैरिक आज बुधवार खुणि अम्बाळा इंडियन एयरफोर्स क एयरबेस मा पहुंंचि ग्यी। अम्बाळा एयरबेस मा चारों तरफ घुमणा का बाद राफेळ लैंड ह्वायी। एयरबेस मा उतण से पैळि राफेळ विमान थैं वाॅटर सल्यूट द्ये ग्यायी।

राफेळ विमान थैं सर्या देशु मा सबसे बढ़िया लड़ाकू विमान मनै जांद।