राधा रतूड़ी मिलि नै मुख्य सचिवा जिम्मेबरि
देरादूण। उत्तराखण्डा नै मुख्य सचिव राधा रतूड़ी न आज अपणु कार्यभार सम्भाली याली।
1988 बैच क आईएएस राधा रतूड़ी न अबि तक अपर मुख्य सचिव मुख्यमंत्री क पद पर छायीं। प्रमुख सचिव एसएस संघू क सेवा विस्तार खतम हूंणा बाद अब राधा रतूड़ी तैं मुख्य सचिवा जिम्मेबरि दियें ग्यायी।
https://x.com/ANINewsUP/status/1752658193841590659?s=20
मुख्य सचिव दप्तर मा आज सेवानिवृत्त हूयां मुख्य सचिव डॉ. एस.एस. संधु न मुख्य सचिव श्रीमती राधा रतूड़ी तैं पद भार सौंपि।
ऐ मौका पर नै मुख्य सचिव राधा रतूड़ी न बोलि कि प्रधानमंत्री मोदी कु ब्वन कि यु दशक उत्तराखण्ड कु दशक होलु। उन्न बोलि कि मुख्यमंत्री धामी अर प्रधानमंत्री कु सुपिनौं तैं पूरु करणा खूंणि, उत्तराखण्ड तैं अगनै लिजाण छौं। उन्न बोलि कि मुख्यमंत्री जी कु मूल मंत्र सरलीकरण, समाधान, निस्तारण अर संतुष्टि क दिसा मा हम सबि मिलकैकि प्रदेस तैं अग्वानया बणौंणा खूंणि काम करला अर प्रदेसा कुणौं मा रैंण वला मनखि तक विकासा योजनौं कु लाभ पौंछाणा दिसा मा काम कर्यें जालु।
ऐ मौका पर अपर मुख्य सचिव आनंद बर्द्धन, प्रमुख सचिव आर. के. सुधांशु, सचिव शैलेश बगोली, अरविंद सिंह ह्यांकी, श्रीमती राधिका झा छायीं।