प्रधानमंत्री एक दा फिर कायी मुख्यमंत्री त्रिवेन्द्र रावतै बढ़ै

प्रधानमंत्री नरेद्र मोदी ळ एकदा दुबरा उत्तराखण्ड का मुख्यमंत्री त्रिवेन्द्र सिंह रावत क कामकाज क बढ़ै कायी। उन ब्वाळ कि अब साफ पाणी पीणा खुणि त्रिवेन्द्र सरकार पाणी का कनेक्शन देंणि च अर केवळ एक रूप्पया हि लेंणि च।

उत्तराखण्ड नमामि गंगे क तहत सुरू ह्वी 6 परियोजना का लोकापर्ण करदा प्रधानमंत्री न ब्वाळ कि मि चारधाम क पवित्रता अर देवभूमि का लोगु थैं सेवा लगौंदु। गंगा क निर्मळता खुणि 6 परियोजना का लोकार्पण करै ग्यायी। इ परियोजना ळ उत्तराखण्ड क मनखियों थैं बहुत बधै।

उन्न ब्वाळ कि ई परियोजनाळ उत्तराखण्ड क सीवेज ट्रीटमेंट क क्षमता 4 गुना बढ़ि ग्यायी। अब 130 गंदा नाळा थैं गंगा मा गिरण से रोके जाळु। अब प्रयागराज क तरौ हरिद्वारा मा भि गंगा निर्मळ गंगा अनुभव श्रद्धाळुओं थैं ह्वाळु।

प्रधानमंत्री न ब्वाळ कि जळ जीवन मिशन ग्राम स्वराज, गौ क सशक्तिकरण थैं नै ऊर्जा मिळळि। पाणी के प्रोजेक्ट निर्माण व रखरखाब गौ का लोग काराळ। जै खुणि जळ समिति गठित करै जाळी। जळ समितियों मा 50 फीसदी भागेदारी कज्याणियों क ह्वैळी कैळेकि कज्याणि जाणदी छन कि पाणि महत्व क्या च।