घैल पुलिस वल कु वीडियो बणाणा वला चीता पुलिसवला थैं एस.एस.पी. न कायी निलंबित

हर्रावाला मा एक मोटर सैकिल दुर्घटना ह्वै ग्यें छायी। ऐ मामला मा एक वीडिया सोशल मीडिया मा वायरळ ह्वैग्यें छायी। वीडियो मा जैमा घैल पुलिस वला क कुईं मदत नि कायी अर चीता पुलिस वीडियो बणायी मा लग्यीं रायी। ऐ मामला मा आज देरादूण क एसएसपी जम्मेजयखंडूडी ने चीता पुलिस वला कु निलंबित कैरि द्यायी। पुलिस के दगड़ा मा पीआरडी क ज्वान थैं अपणि मूल जगा मा भेजीं द्यायी। एसएसपी न सीओ डोईवाला थैं सर्या मामला मा जाचं करणा आदेश दे दीं।

बतै दियां बल इत्वार खंूणि राति हर्रावाला मा एक मोटर सैकिल दुर्घटना ह्वै ग्यें छायी। ऐ बातिक जाणाकारी जन्नि चीता पुलिस थैं मिळि पुसिस द्वी ज्वान वखम पौंचिग्यें छायीं। घैळ कांस्टेबल राकेश राठौर सड़कि मा टबलाणु (तड़फना) रायीं लेकिन चीता पुलिस के ज्वानु न सिपै राकेश राठौर के मदत त दूर वैथैं पाणि तक नि पिल्यें अर 108 एंबुलेंस कु इंतजार करणा रैं। सिपै राकेश न कै बार उठणा क कोसिस कायी लेकिन चीता पुलिस न वैकि कुईं मदत नि कायी अर वीडियो बणाण मा हि लग्यीं रायी।

जैका बाद चीता पुलिए पर सवाल उठणा छन कि बल चीता पुलिस क ज्वान राकेश थैं बगत पर अस्पताल मा भर्ती करै दिन्दा त राकेश थैं बच्यें जै सकदु छायीं।

सोशल मीडिया मा वीडियों वायरल हूंण क बाद देरादूणा क एसएसपी न आज चीता पुलिस कर्मी थैं निलंबित कैरि द्यायी। अर पीआरडी क ज्वान थैं अपणि मूल जगा पीआरडी निदेशालय मा भेजीं द्यायी। एसएसपी न अनिल शर्मा सीओ डोईवाला थैं सर्या मामला मा जाचं क आदेश दे दीं। जांच आणा क बाद अगनै के कारवै कर्यें जाळी।