देशभक्ति सबि भक्तियौं मा सबसे बड़ी च : मुख्यमंत्री धामी
देरादूण। मुख्यमंत्री धामी न आज हिमालय संस्कृति केन्द्र निम्बूवाला, गढ़ी कैंट म ‘ मेरी माटी मेरा देस’ कार्यक्रमा अंतर्गत उरर्यू राज्य स्तरीय ‘ अमृत कलश यात्रा’ मा भाग ल्यायी।
मुख्यमंत्री धामी न बोलि कि प्रधानमंत्री मोदी क दूरदर्शी नेतृत्व म हमतैं ‘मेरी माटी मेरा देश’ अभियान क जरिया वु वीरू क वंदन करणा कु मौक मिलणु च जौन देस खूंणि अपड़ि जान दे द्यायी। उन्न बोलि कि कलश जातरा अमर शहीदु क त्याग अर बलिदान हमर दिमाग मा सदनि रैयां ऐ उद्देश्यन सर्या देेस म ‘मेरी माटी मेरा देश’ महाअभियान चल्यें जाणु च।
मुख्यमंत्री न बोलि कि प्रधानमंत्री मोदी क नेतृत्व मा यु अमृत वाटिका ऊंकु दियूं ‘एक भारत, श्रेष्ठ भारत’ कु संकल्प तैं पूरु करणा मा मदत करालु। उन्न बोलि हमरि देवभूमि, वीरू क भूमि च, बलिदानियौं क भूमि च, अर यीं बात हमरा सैनिकु न अब तक सबि लड़ैयूं मा साबित बि कायी। मुख्यमंत्री न बोलि देशभक्ति सबि भक्तियौं मा सबसे बड़ी च।
मुख्यमंत्री न बोलि कि प्रदेस सरकार सैनिक अर ऊंकी कुटुम्दरि तैं मिलण वलि सुविधौं तैं बढ़ौंणा खूंणि कोसिस करणि च।
ऐ मौका पर सांसद श्रीमती माला राज्यलक्ष्मी शाह, कैबिनेट मंत्री सतपाल महाराज, विधायक खजानदास, आईटीबीपी अर एसएसबी क अधिकारी बि छायीं।