डबल इंजना सरकार हि कारली छत्तीसगढ़ कु विकास : सतपाल महाराज

दून / छत्तीसगढ़। छत्तीसगढ़ कु विकास केवल डबल इंजना सरकार हि कै सकदि। या बात प्रदेसा पर्यटन, लोक निर्माण, पंचायतीराज, ग्रामीण निर्माण, सिंचाई, जलागम एवं संस्कृति मंत्री सतपाल जी न छत्तीसगढ़ मा एक चुनावी सभा म बोलि।

सतपाल महाराजन बोलि कि प्रधानमंत्री मोदी क नेतृत्व मा भाजपा सरकार खळाखळ देस मा विकास क काम तैं अगनै बढ़ाणि च। उन्न बोलि आज सर्या दुन्या मा भारत कु नौ च, अर आज भारत विश्व गुरू बणणा तरफ अगनै बढ़णु च।

महाराजन बोलि कि छत्तीसगढ़ मा ऐसु भाजपा तैं जितयां , जै से डबल इंजन सरकार कु पूरू फैदा यखक लोगु तैं मिललु अर यखकु विकास हौरि तेजी से होलु। महाराजन बोलि डबल इंजना सरकार बणण से केन्द्र क योजनौं कु फैदा छत्तीसगढ तैं मिललु। उन्न बोलि मेरी आप सब्यौं से या विनति च कि छत्तीसगढ़ मा कमल कु फुल तैं वोट देकि डबल इंजन सरकार तैं ल्यां।