नौन्याळु क मुण्ड मा लीसु डळणा क मामला मा यूकेडी न कायी ठेकदार पर कारवै करणा क मांग
देरादूण। अल्मोड़ा मा नौन्याळु क मुण्ड मा लीसा डलणा क मामला मा यूकेडी न ठेकदार अर वैका भुरत्यों फर कारवै करणा क मांग कायी।
यूकेडी के शिवप्रसाद सेमवालन सचिव हरिशचन्द्र सेमवाल थैं एक ज्ञापन भेजिक कारवै करणा क मांग कायी।
बतै दियां क अल्मोड़ा मा एक वीडिया सोशल मीडिया मा ऐ। जैमा लीसा क ठेकदार अर वैंका भुरत्या गौं क छवट्टा छवट्टा नौन्याळु थैं अपड़ा मुण्ड मा लीसा डलणा खूंणि ब्वलणा छन अर नौन्याल अपड़ा मुण्ड मा लीसा डलणा छन। यखमा नौन्याळु कु कसुर वो च बल बोण मा गोर चरौंणा खूंणि ज्यां नौन्याळु न कुल्लें क डाळियों मा लग्यां लीसा क गमलौं थैं डाळों फर बटि निकालिकि चुल्यें दें छायी।
ऐ बारा मा यूकेडी न उत्तराखण्ड सरकार से विनती कायी कि ऐ मामला मा झट कारवै कैरिक दोषी थैं सजा दियें ज्यां।