नौन्यालु मा रचनात्मक अर सृजनात्मक बढ़ौणा क दरकार (जरूरत) च : धामी
देरादूण। मुख्यमंत्री पुष्कर सिंह धामीन आज उत्तराखण्ड बाल संरक्षण आयोग क उर्रयु पोक्सो अधिनियमाक एक दिनक कार्यशाला मा भाग ल्यायी। ऐ मौका फर मुख्यमंत्री न पोक्सो ऐक्ट फर प्रकाशित एक किताबिकु विमोचन भि कायी।
ऐ उर्रयु कार्यक्रम मा मुख्यमंत्री न बोलि कि आज बच्चों मा हमथैं रचनात्मक अर सृजनात्मक बढ़ौणा क दरकार (जरूरत) च। उन्न बोलि कि नौन्याळु क भविष्य बणौंण खूंणि ऊंका ब्वे, बुबों क बौत बड़ी भूमिका हंूंदि। उन्न बोलि कि नौन्यालों से जुड़ी इन्नि कार्यशाला लगातार हूंण चैंदन।
मुख्यमंत्रीन बोलि कि जौ नौन्याळु थैं अच्छी शिक्षा, अच्छु रहन सहन नि मिलदु ऊं नौन्याळु खूंणि समाज थैं अगनै आण प्वाड़ळु। सरकार सब्यों क जिन्दगि थैं सुधरणा क लगातार कोसिस करणि च ।
मुख्यमंत्री न बोलि कि राज्य सरकारन बाल कल्याण खंूणि बौत सर्या योजना चलयीं छन। नौन्यालु के अधिकारू खंूणि कानून बण्यां छन, ऊंकु पालन हूंण चैंद।
मुख्यमंत्री न बोलि कि इन्न आयोजनों न जख जागरूकता बाढ़ालि वखि विशेषज्ञों विचार नौन्याळु क भविष्य थैं रचनात्मक बणाणा मा मदद कारला।
कार्यशाला मा महिला बाल विकास मंत्री न बोलि कि प्रदेस मा नौन्याळु क दगड़मा सरकार सदनि खड़ी च। कोराना काल मा अपड़ि कुटुम्दरि थैं खुण वळा नौन्याळु थैं सरकार वात्सल्य योजना चलैकि मदद करणि च। उन्न बोलि कि वात्सल्य योजना देस क सबसे भलि योजना च।
डी जी प अशोक कुमार न पोस्सा एक्ट का बारा मा जाणकारी द्यायी।
कार्यशाला मा सामाजिक संगठनु से जुड्यां लोग अर पुलिस अर विधि विभाग से जुड्यां अधिकारी छायीं।