मुख्यमंत्री न आपदा मा ह्वै ट्वटा (नुकसान) क ल्ये जानकरि
मुख्यमंत्री पुष्कर सिंह धामीन ग्राम रांथी मा आपदा मा जै कु नुकसान ह्वै ऊं मनखियों से भेंट कायी।
मुख्यमंत्री न बोलि आपदा क ऐ बगत मा जौ ळोगु थैं आपदा क पिड़ा ह्वै ऊथैं मदत देंणा कु काम हूंण च। आपदा मा खाणु, पिणा अर झुलड़ों (कपडों) क मदत कर्यें जाली जै क पैंसा सरकार देळि।
मुख्यमंत्री न 6 कुटम्दरि थैं पैंसों क चेक दे। अर बोलि औरि कुटम्दरि थैं भि जल्दी से जल्दी मदत क पैंसा दिये जाला।
मुख्यमंत्री न धारचुला मा काली नदी क छाल भि देखि। मुख्यमंत्री न जिलाधिकारी थैं बोलि आपदा मा मदद पौंचाणा खूंणि जु भि काम छन, ऊथैं झट से कर्यें ज्यां। मुख्यमंत्री बोलि आपदा मा जौ क घौर बोगि ग्यीं ऊं थैं दुबरा बसाणा खूंणि सरकार काम करण खूंणि त्यार च।
मुख्यमंत्री दगड़ मा धारचूला विधायक हरीश धामी, डीडीहाट विधायक बिशन सिंह चुफाल, ब्लॉक प्रमुख अर जिलाधिकारी डॉ. आशीष चौहान, मुख्य विकास अधिकारी अनुराधा पाल, उपजिलाधिकारी नंदन कुमार, उपजिलाधिकारी अनुराग आर्य मौजूद छायी।