लंदन मा 12,500 करोड़ रुप्यौं जादा कु निवेश कु ह्वै करार : धामी
नै दिल्ली। मुख्यमत्री धामीन आज ब्रिटेन बटि नै दिल्ली पौंछि जख उन्न मीडिया क दगड़ बात कायी। मुख्यमंत्री न बोलि कि यूके म उर्यूं बैठकु मा प्रदेस तैं 12,500 करोड़ रुप्यौं जादा कु निवेश कु करार ह्वै।
मुख्यमंत्री न बोलि भैर देसु मा रैंण वला अपड़ा भै-बन्धुु अर उत्तराखण्ड क बीच म अच्छुु तालमेल हूयां यां खूूंणि मुख्यमंत्री कार्यालय म एक उत्तराखण्डी सेल बण्यें जालुु।
मुख्यमंत्री न बतै बल ब्रिटेन क पर्यटन मंत्री क बीच पर्यटकु तैं बढ़ौंणा खूंणि एक कार्ययोेजना बणौं ण पर मंजूरि ह्वै।
मुख्यमंत्री न बोेलि कि फ्रांसा पोमा ग्रुप क दगड़ म हूयीं बैठक मा उत्तराखण्ड क पर्यटन तोकु तैं रोपवे से ज्वड़णा खूूंणि 2 हजार करोड़ रुप्यौं कु करार ह्वै।ं उन्न बतै बल पोेमा ग्रुप प्रदेस मा पैलु रोपवे मैन्युफैक्चरिंग पार्क बणौंणा क खूंणि सम्भौवना ख्वजें जाणा खूूंणि काम करणा कु प्रस्ताव दियेें ग्यें। उन्न बोलि प्रदेस म केबल कार, परिवहन बन्दबस्त तैं विकसित करणा खूंणि औली, दयारा बुग्याल अर मुनस्यारी म ह्यूंद क खेल तैं बढ़ावा देंणा खूंणि विंटर स्पोेर्ट्स डेस्टिनेशन बणौंणा फर सहमति ह्वै। अमेरिका क के एन ग्रुप क दगड़ 4,800 करोड़ रुप्यौं कु निवेश कु करार कर््यें ग्यायी। ब्रिटिश पार्लियामेंटा लार्ड मेयर अर बर्मिघम विश्वविद्यालय क कुलपति बिली मोेरयाा कक दगड़ हूूयीं बैठक मा उत्तराखण्ड म शिक्षा तोक मा निवेश क उमेद क बारा मा छ्वीं हूयीं।