महेन्द्र सिंह भट्ट बणिं भाजपाका नै प्रदेस अध्यक्ष , मदन कौशिश थैं मिलि सकद बड़ी जिम्मेबरि

देरादूण। भारतीय जनता पार्टी न उत्तराखण्ड संगठन मा एक बडु़ बदलौं कायी अर मदन कौशिक थैं प्रदेस अध्यक्ष क पद बटि हटे कि महेन्द्र भट्ट थैं पार्टीकु नै प्रदेस अध्यक्ष बण्यें दें। मदन कौशिक कु कार्यकाल सितम्बर मा पूरू हूंणू छायीं पर भाजपा न मदन कौशिश थैं प्रदेस अध्यक्ष पद पर बटि हटे दें।

इल्लै इन्न मन्यें जाणु च कि मदन कौशिश थैं दिल्ली मा कुईं औरि जिम्मेबरि दिऐं जै सकद। खबर त इन्न भि आणि च मदन कौशिश थैं उत्तराखण्ड कैबिनेट मा जगा दियें जै सकद किलैकि धामी कैबिनेट मा हरद्वार जिला बटि कुईं भि नि च।

दूसर तरफ नै प्रदेस अध्यक्ष महेन्द्र भट्ट आज हि प्रदेस दफतर मा पौंचिक अपड़ि कुर्सी सम्भालि याली। ऐ मौका मा मदन कौशिक न उथैं बधै दे अर अपडु काम काज भि ऊंका हत्थु मा दे।

ऐ मौका मा पार्टी क कार्यकर्ताओं न महेन्द्र भट्ट थैं बधै दे।

महेन्द्र भट्टन पत्रकारू क दगड़ बातचीत मा केन्द्रक नेतौं क आभार बोलि अर बोलि कि जवा जिम्मेबरि मिथैं दियें ग्यें वीं जिम्मेबरि थैं मि पूऱि ईमानदरी अर तप से काम कैकि संगठन थैं औरि ऊंचे मा लिजौंणा कु काम करळु। महेन्द्र भट्टन बोलि कि चुनौति जरूर छन पर मजबूत संगठन अर प्रदेस मा चलणि धामी सरकारक काम थैं लेकैकि प्रदेस क रैवासियों क बीच जा जौळा। उन्न बोलि कि जन 2022 मा हमरि सरकार बणि उन्नि 2024 लोकसभा चुनौ मा भि हम सब्यां सीटु मा जीत हासिल करला। उन्न बोलि कि या से पैळि निकाय चुनौ अर हरद्वार मा पंचायत चुनौं मा संगठन अच्छु काम कराळु।