महेन्द्र भट्टक बयानळ मच्यूंच कांग्रेस मा घमासान
देराूदण। उत्तराखण्ड चुनौ कु रिजल्ट आणा मा अभि बगत च लेकिन कुर्सी खूंणि भाजपा अर कांग्रेसक दिल्ली दौड़ शुरू ह्वैग्यीं।
प्रदेस मा भाजपा अर कांग्रेस एक दूसर फर लगातार हमला करणा छन। द्वी दिन पैलि भाजपा के विधायक महेन्द्र भट्ट न एक बयान द्यायी उन्न ब्वाल कि कांग्रेस क प्रत्याशी भाजपा के नजीक छन।
ईं वा बात च कि प्रदेस के सियायत मा धपरौळ मच्यूं च। महेन्द्र भट्ट ऐ बयानळ कांग्रेस मा घमासान मच्यूं। महेन्द्र भट्ट क दावा करणा छनकि कांग्रेस क प्रत्याशी भाजपा के सम्पर्क मा छन। अर हमथैं सरकार बणाणा क जरूरत प्वाड़ळि त हम कांग्रेस क विधायकों थैं भाजपा मा मिलै कि सरकार बण्यें सकदो। उन्न कांग्रेस मुक्त उत्तराखण्ड अर भाजपा के सरकार बणणा कु दावा भि कायी।
कांग्रेस के पैल्यक मुख्यमंत्री हरीश रावतन महेन्द्र भट्ट क ई बात थैं प्रेदस खूंणि शर्मनाक बतै अर ब्वाल कि भाजपा के विधायक के या बात लोकतंत्री खूंणि बौत शर्मनाक च। उन्न ब्वाल कि अभि 2022 चुनौं क अभि नतीजा भि नि आई आर भाजपा न जीतण वळा उम्मदवारू से सम्पर्क कैरि याळी यां लोकतंत्र खूंणि बौत बड़ि चेतावनी च। हरीश रावतन या बात फेसबुक मा लेखि।
#भाजपा के निवर्तमान विधायक की एक सार्वजनिक स्वीकारोक्ति अत्यधिक शर्मनाक है। उन्होंने दावा किया है कि दूसरी पार्टियों के निर्वाचित होने की प्रतीक्षारत उम्मीदवारों से उनकी पार्टी द्वारा संपर्क साध लिया गया है, तो निर्वाचन से पहले ही दलबदल करवाने की…1/2 pic.twitter.com/LEABnpRHjB
— Harish Rawat (@harishrawatcmuk) March 7, 2022
उन्न कैळाश विजयवर्गीय क देरादूण आणा पर फेसबुक मा लेखि कि सिद्धहस्त भाजपाई नेता कु उत्तराखण्ड मा स्वागत् च। बंगाल मा भि उन्न विधायक खरीदणा खूंणि कोशिश कायी लेकिन पिट्टे ग्यीं। बिहार मा इन्न कोशिश पिट्टे ग्यीं। हिकमत इतगा कि 2016 मा उत्तराखण्ड में खरीद फरोख्त कायी। अब दुबरा ई खिलाड़ी उत्तराखण्ड पौंचि ग्यें। उन्न ब्वाळ कि मिं ब्वलण चाणु छौं उत्तराखण्ड के लोकतंत्र क पहरूवो सावधान ह्वै जावा, कांग्रेस त पैळि सावधान च।