सौंण कु मैना मा बाबा केदार कु महाभिषेक गौड़ि दूद न होलु

रुद्रप्रयाग। सौंण कु पवैत्र मैना मा बाबा केदार कु महा अभिषेक गौड़ि क दूदळ ह्वोळु। सौंणु मैना तैं भगवान शिव कु मैना मन्यें जान्द अर इन्न मान्यता च कि सौंण कु मैना मा भगवान शिव कु अभिषेक करण से मनखि क सर्या खैरि (कष्ट) दूर ह्वै जन्दन।

11 ज्योतिलिंग बाबा केदार मा अब सोमबार खूंणि दिनमा द्वी दा ब्रह्ममहूर्त मा अर ब्यखूनी दा द्वी मैना तक बाबा क स्वयंभू शिविलिंगा महाभिषेक गौड़ि क पवैत्र दूद न ह्वाळु।

तीर्थ पुरोहित संतोष त्रिवेदी न बतै बाबा केदारा महा अभिषेक खूंणि केदारधाम मा तीर्थ पुरेाहितौं क तरफ बटि चार गौड़ि धाम मा पौंछ्यें ग्यायी।

मान्यता च कि सौंणा क मैना मा भगवान कु महाभिषेक दुग्धाभिषेक, जलाभिषेक अर पूजा पाठ करण से मनखि क सबि खैरि अर रोग दूर ह्वै जान्द।