खेल ज्यू (मन) मा सकारात्मक भाव पैदा करदु : मुख्यमंत्री धामी
मुख्यमंत्री धामीन आज स्पोर्ट्स स्टेडियम टनकपुर मा उर्यूं ‘ द हिमालयन कप फुटबॉल टुर्नामेंट 2022’ थैं सुरू कायी।
ऐ मौका फर मुख्यमंत्री न बोलि कि इन्न कार्यक्रम मा ज्वानु थैं अगनै बढ़णा कु मौका मिलदु। मुख्यमंत्री न बोलि कि प्रदेस सरकारन नै खेल नीति बण्यीं च। जैमा खिलाड़ियों थैं अगनै बणणा खूंणि मौका मिलदु।
मुख्यमंत्री न बोलि खेल ज्यू (मन) मा सकारात्मक भाव पैदा करदु। उन्न बोलि कि सब्यौं थैं खेल नीति कु फैद हूंणि चैंद। उन्न बोलि खेल नीति बणण से खिलाड़ियों खूंणि खेल क मैदान बण्यें जाणा छन। मुख्यमंत्री न बोलि कि देरादूण मा स्पोर्ट्स यूनिवर्सिटी बण्यें जाणि च। उन्न बोलि कि सबि गौ मा जिम ख्वलणा कु भि फैसळा लियेग्यें। मुख्यमंत्री न बोलि कि ब्यटुळों थैं भि खेल मा अगनै आणु खूंणि उधमसिंह नगर मा महिला स्पोर्ट कॉलेज बण्यें जाणु च।
मुख्यमंत्री न बोलि कि जनपद मा अधिकारियों थैं जिमेबरि दिईं च। सरकार समस्यों कु हल झट करणा कु मंतर पर काम करणि च।
ऐ मौका फर नगर पालिका अध्यक्ष टनकपुर विपिन कुमार, नगर पालिका अध्यक्ष पिथौरागढ़ राजेंद्र रावत, भाजपा जिलाध्यक्ष दीप पाठक, भाजपा प्रदेश मंत्री सुश्री हेमा जोशी, पुलिस अधीक्षक देवेंद्र पींचा, संयुक्त निदेशक खेल धर्मेंद्र भट्ट अर औरि लोगु छायीं।