केदारधाम मा घ्वड़ा अर खच्चरू क म्वरण पर सतपाल महाराजन जतै चिन्ता, बोलि बल अब इन्न नि हूंण चैंद
चारधाम मा जात्रा मा भक्तों क संख्या मा लगातार बढ़णि च। जातरियों संख्या थैं देखिक पर्यटन मंत्री सतपाल महाराजन पर्यटन सचिव दिलीप जावकर थैं आदेश दीं कि केदारनाथ मा भक्तों के भीड़ जादा नि हूंणि चैंद। उन्न केदानाथ मा घ्वड़ा अर खच्चरू क म्वरण पर चिन्ता जतै अर बोलि बल अब इन्न नि हूंण चैंद।
केदानाथ जात्रा मा खळाखळ (लगातार) घ्वड़ा अर खच्चर क म्वरण पर मेनका गांधी पर्यटन मंत्री सतपाल महाराज के दगड़ मा फोन पर बात कायी अर अपड़ि झुराट (चिंता) दीखै। जैका बात पर्यटन मंत्रीन पशुपालन मंत्री सौरव बहुगुणा दगड़ मा बात कायी अर घ्वड़ा अर खच्चर क म्वरणा क मामला मा घुरचेण (हस्तक्षेप) खूंणि बोलि।
महाराजन पर्यटन सचिव थैं बोलि कि घ्वड़ा अर खच्चर थैं खाणा क बाद तीन से चार घण्टों कु आराम मिलण चैंद।
उन्न बोलि के जातरियों थैं पैलि हि रव्कें ज्यां अर मठु-मठु कैकि जातरियों थैं जात्रा मा भज्यें ज्यां जन्न कैकि केदारधाम मा जादा भीड़ नि हूयां। उन्न बोलि बल घ्वड़ा अर खच्चरू पर भि जादा काम नि हूंण चैंद। उन्न बोलि घ्वड़ा खच्चरू के ध्यान रखण हमारि जिम्मेबरि च।