शहीद जगेन्द्र सिंह चौहान थैं सैनिक सम्मानक दगड़ द्यायी आखरि विदै
दून। सियाचीन मा शहीद हूयां जगेन्द्र सिंह चौहान थैं सैनिक सम्मान क दगड़ा मा आखरि विदै दियें ग्यायी।
सियाचिन मा शहीद ह्यां भानियावाला क रैवासि हवलदार जगेंद्र सिंह चौहान क शरैळ ऊंका घौर भानियावाळा पौंचि। शहीद को पार्थिव शरैळ जन्नि ऊंका घौर मा ऐ उन्न घौर मा रूवा-रूवा ह्वै ग्यायी। थ्वड़ा सी देर तक पार्थिव शरैळ थैं घौर मा रखणा क बाद सेना क ज्वानु न शहीद थैं गार्ड ऑफ ऑनर द्यायी।
शहीद जगेन्द्र सिंह चौहान सियाचिन मा 21 फरवरी खूंणि ग्लेशियर सिखकणा से शहीद ह्वै ग्यायी छायीं।
शहीद जगेन्द्र सिंह चौहान थैं 25 फरवरी खूंणि छुट्टी पर आणु छायीं। छुट्टी आणा से पैळि हि पैळि जगेन्द्र शहीद ह्वैग्यीं।
आज शहीद के पार्थिव शरैळ थैं ऊंका घौर बटि पूरा सैनिक सम्मान क दगड़ा भानियावाळा बाजार बटि हरिद्वार लिज्यें ग्यायी। शहीदाक सम्मान मा सर्या भानियावाळा बाजार बन्द छायी। भानियावाळा मा स्कुळक बच्चों न शहीद क सम्मान मा देश भक्ति क नारा भि लगें।
ऐ मौका पर कैबिनेट मंत्री गणेश जोशी, गणेश गोदियाल, भाजपा के बृज भूषण गैरोला, भाजपा जिला मीडिया प्रभारी संपूर्ण सिंह रावत, गौरव चौधरी, मनोज नौटियाल, नरेन्द्र नेगी, विजेंद्र सिंह, मंडल अध्यक्ष विनय कंडवाल, नरेंद्र नेगी हिमांशु राणा ईश्वर रौथान, मनीष यादव, प्रेम पुंडीर , सरोज भंडारी, मोहन सिंह चौहान, सुखदेव चौहान, प्रदीप नेगी, पुरुषोत्तम डोभाल अर तोक क रैवासियों न शहीद थैं अलमटु (नम) आख्यूं न आखिर विदै द्यायी।