हरक सिंह रावत तैं ईडी पूछताछ खूणि बुलै

देरादूण। कांग्रेसा नेता अर पैल्यक मंत्री हरक सिंह रावत तैं प्रवर्तन निदेशालय न 29 फरवरी खूणि तलब कायी। बतै दियां की अबि कुछ दिन पैलि हरक सिंह रौत क यख छापेमारी करै ग्ये छायीं। जैमा कुछ कागज ईडी तैं मिला छायीं। ऊं कागजु तैं लेकैकि ईडी हरक सिंह रावता दगड़ि पूछताछ करै जाली। यांका दगड़ि आईएफएस अधिकारी सुशांत पटनायक तैं बि पूछताछ खूणि बल्ये ग्यायी।

7 फरवीर खूणि कॉर्बेट क पाखरो टाइगर सफारी मा डाळा कटणा क मामला मा प्रवर्तन निदेशालय न हरक सिंह रावता देरादूण अर हौरि जगौं मा छापा मारिन।

बतै जाणु च कि छापामारी मा 1.10 करोड़ रुप्या नकद अर 80 लाख से जादा गैंणा मिलिन। यांका दगड़ि बौज जैदाद क कागज बि मिलिन।

हरक सिंह रावत करीबी लक्ष्मी राणा तैं 27 फरवरी, सुशांत पटनायक तैं 28 फरवरी त हरक सिंह रावत तैं 29 फरवरी खूणि ईडी न दप्तर मा बुलै ग्यायी।